نالسلام عليكم:
أنا طالبة مستجدة سجلت في تخصص انجليزي وقبلوني بس صارتلي ظروف وللحين مادفعت الرسوم وأرسلولي رسالة لاستخراج الرقم السري وذكرولي إن الدراسة بتبدأ الأحد.
سؤالي :تسديد الرسوم متاح والا انتهى وقت السداد واذا انتهى الوقت وش بيصير وضعي؟؟؟
وعندي استفسار ثاني :
أنا سجلت تخصص انجليزي مثل ماذكرت واكتشفت انه أدب انجليزي كنت أتوقع أنه لغة أو ترجمة وأنا ما أحب الأدب وأبي أغير تخصصي إلى إدارة أعمال طبعا من شروط التغييير دراسة سنة كاملة وأنا مستصعبة إني ادرس سنة وبعدين أحول وفي ناس نصحوني إني أقدمطلب إعتذار وبعدين أغير تخصصي وأقدم طلب عودة للدراسة في الترم الجاي ماأدري إذا الطريقة هذي صحيحة أو لا ؟
الله يوفق اللي يرد علي أنا أحس إني ضايعة ومو فاهمة شي ...