|
رد: تجمعْ بنآتّ كلية الـأدآب ~ حيآكم ~
اقتباس:
المشاركة الأصلية كتبت بواسطة _1995_
أنا مثل مهآ :(
يخي كنت متحمسه بفوق م تتصورون للكليه بس لأن م أحد معي فجآني إحباط وكرهتها ولا حضرت الا محاضره وحده طول هالاسبوعين , مع ان كانت عزيمتي قويه اني اجيب معدل حلوو واتخصص الي نفسي فيه 
+ ي ليت تفيدوني كيف تعامل الداكتورات والدكاتره مع الواجبات والحضور لأن مثل م قلت م حضرت الا محاضره ومو فاهمه شيء أبد !
أبغى أحد يحمسني ويشجعني قبل لا أتدهور أكثر :""( !! |
عادي اللي انتي فيه طبيعي جدا
وفيه بنات مثلك وقرروا ينقلون من الكليه بس لما تأقلموا حبوها كثير
وكيف تتعرفين على صديقات وانتي ماتداومين ؟
لازم انك تداومين وتحضرين محاضراتك مع الوقت بتكونين صديقات لان كثار مثلك مايعرفون احد
من رايي جدي واجتهدي صدقيني اذا ماجبتي معدل مرتفع من البدايه بيصير صعب عليك كثير ترفعينه بعدين
السمستر الاول مواد سهله وخفيفه شدي حيلك
وداومي كل يوم واحضري محاضراتك عشان تتاقلمين
لو كل وحده ماعجبها الوضع بتقعد في البيت ماراح ندرس ولا نداوم
عن تجربه الكليه جميله وجميله كثير بتشوفين بالايام الجايه بس لازم تحبين المكان عشان تقدرين تعطين وراح تحبينه اذا داومتي طبيعي مثلنا
بالنسبه للحضور في مجال لكل طالبه تغيب 3 غيابات
بعض الدكاتره يعطون حرمان بالغياب الثالث وبعضهم بالرابع وبعضهم عادي حتى 5 الغيابات
والواجبات عادي بعض الدكاتره عندهم الواجب شي اساسي يعطونكم سؤال وتجيبون الحل بالمحاضره الثانيه
وبعضهم مايعطون واجبات يكتفون بالمحاضره فقط
ان شاءلله اني افدتك
واتمنى تتعاملين مع مشكلتك بشكل صحيح وايجابي
واي استفسار انا حاضره
|