المشاركة الأصلية كتبت بواسطة انسه عظيمه ♥

بنات شوي بشطح بالموضوع ..

بس حابه أسأل البنات اللي جربوا التدريب الميداني

أنا ترم الجاي راح أجربه وشايله همه من اللحين

ممكن تشرحولي كيف التدريب الميداني ؟؟

_ تداومين يوميا ؟ تروحين لحالك ولامعك مجموعه ؟

_ كيف شغلك بالمدرسه وبالمستشفى كيف وضعكم ؟

_ بأختصار التدريب الميداني سهل ولا صعب ؟

_ وفي رسوب فيه ؟

امم معليك ي قلبي لاتخافين .. ماده جدا جدا جدا جدا جدا روعععه تجننن تغيرين جو ..
بقولك من البدايه تسجلين الماده انتي وصاحباتك عند دكتوره معينه نفس الوقت ونفس اليوم عشان تكونون بنفس الشعبه ، بعد كذا اول محاضره تكون نظريه تعلمكم وش معنى التدريب والهدف منه وكذا.. والمحاضره الثانيه تكون شرح الجزء العملي شلون تعبين سجلك وش الاشياء الي عليك والي لك وتقسم البنات والمشرفات الترم الي راح احنى قسمنا انفسنا مع صديقاتنا هذا الترم هم قسمونا صديقاتي مو معي💔😭 وزعونا ع كيفهم حسبي الله ونعم الوكيل ،، المهم تجلسون مع مشرفتكم وتقولكم وين تروحون وتجتمعون عند البوابه وكذا وتاخذ ارقامكم عشان لو وحده تأخرت وكذا ،، والاسبوع الثالث تطلعون للمركز او الجمعيه وتتعرفون ع مرافقها ع الاخصائيه الي بالمركز تحطون الخطه الي تبونها يعني تختارون البرامج ومواضيعها واقتراحاتكم وبس .. لازم بكل مكان تطلعونه تطبقون هاذي الاساسيات :1/ دراسه حاله.2/ تنظيم مجتمع .3/ تنظيم جماعه .. دراسه حاله يعني يوم رحنى مركز الامير سلطان لتأهيل جلسنا مع والده طفله مريضه ونسألها كيف حست بالبنت انها تعبانه ونعبي الاستماره الي تعطينا الاخصائيه .. وتنظيم مجتمع نسوي برنامج ع مستوى الفصول كلها او الي تحددونه بس تكون اكبر من الجماعه .. والجماعه تكون فصل او فصلين عدد قليل .. وبس ! امم التدريب م فيه رسوب لانه درجاته موزعه كالتالي: 25 ع سجل التدريب الي تعبينه كل اسبوع وبالنهايه تسلمينه للمشرفه '' 25 ع بحث تسلمينه لدكتوره "25 ع نشاطاتك بالمراكز وتقييم المشرفه ع أدائكم .. 25 اختبار نهائي شفوي يسألونك وش سويتي وش الصعوبات والايجابيات وعن الجزء النظري الي في اول المحاضره وبس هذا التدريب .. (والتدريب يوم في الاسبوع )


اتمنى اكون افدتگ
واي شي م فهمتيه اسألي وانا تحت امرك .. بالتوفيق ي عسل 🌷

المشاركة الأصلية كتبت بواسطة W E J D A N

^ ماقصرتي

+ أهم شيء تركزين بخدمة الفرد واسس الخدمة وتحفظين المبادئ مثل اسمك عشان تطبقينها هناك : )