ملتقى طلاب وطالبات جامعة الملك فيصل,جامعة الدمام - عرض مشاركة واحدة

overmy · 2013- 9- 14

اقتباس:

المشاركة الأصلية كتبت بواسطة ghadaalshammari

الف مبروك القبول يامجودي
تطمن ماانكبت ولاشي
الا ربي وفقك
وابشرك انك اخترت خوش جامعه
الحمدلله جامعة الملك فيصل افضل جامعة تعليم عن بعد من حيث الدراسه والشهاده

اتوقع انك كلية اداب
لذلك الافضل تدخل قسم مستوى اول كلية اداب على هالرابط
http://www.ckfu.org/vb/f311
بتلقى فيه كل مايخصك ويفيدك ان شاء الله
الاخوان والاخوات ماقصروا بالردود

بس حابه اضيف
رد لك وللاخ ميشوو

كلية الاداب بجميع اقسامها انجليزي عربي اسلامي علم اجتماع جغرافيا تاريخ
كلنا مستوى اول ومستوى ثاني ندرس جميع المواد ونفس الدكاتره وكل شي
والترم الاول هذا اللي هو مستوى اول
ندرس 8 مواد كوكتيل
وكلها سهله ان شاء الله
بس اهم شي حمل المحاضرات وحل المناقشات والواجبات اذا نزلت "
والحل تطمن نسخ لصق اغلبنا "
وبكذا تضمن 30 درجه اعمال السنه ويبقى 70 درجه على الاختبار النهائي
موزعه على خمسين سؤال وكلها اختيار من متعدد على كل سؤال 1.4 درجه

المحاضرات على حسب احيانا تنزل محاضره وحده لكل المواد مره بالاسبوع
ومع فرصه للتحميل والحل لين قبل الاختبارات بفتره قصيره تختلف احيانا تنزل الجامعه
بالموقع اعلان بهالخصوص
الافضل تتابع التقويم الدراسي به التواريخ المهمه وكل شي

بالنسبه للملازم كثير من الاخوان والاخوات ينزلون محتوى المحاضرات اللي ينزلنا بالنظام الافتراضي
ويجمعونه على شكل ملازم ومذكرات
اغلبنا نطبعها ونذاكر منها
وتختلف على حسب المواد بعض المواد 80 صفحه
وبعضها ماتعدا 30 صفحه
وانصحك بملازم الاخ هتآآن دايم ينزلها بمواضيعه
واهم شي راجع محتوى المحاضره اذا هو نفس الملزمه
اجمع الملازم بسيدي رايتر او فلاش ميموري وودها اقرب مكتبه تطبعها وتغلفها
وكل شخص وطريقته بالمذاكره
بس الافضل تقرأ بفهم ولاتعتمد على الحفظ لانها اسئلتنا اختياري
وسهالات كلها ان شاء الله
بالتوفيق جميعا
وعذرا ع كثر الحتسي حريم قرقر واجد مااعرف اختصر

شوفو الناس الي تفهم مومثل ردودنا