وسّعوا صدوركم ياجماعة الخير .. احس إنكم مرتبكين وشايلين هم ومتوتّرين والسالفة سهلة بفضل الله ..
ترى أنظمة الجامعة بسيطة وخلال مدة وجيزة تعرفونها كلها . وكلّنا كنّا مثلكم أول مادرسنا لكن الأخوة والأخوات ماقصّروا
جزاهم الله خير ..
أنصح السائل ان يفتح المحاضرات لو بصيغة الصوت وحتّى لو كان دقائق ويسكّرها .. بس على شان تظمن الدرجة ..
وماهو لازم تسمع المحاضرة كلّها .. بس اهم شيء تفتحها .. واذا كان عندك وقت اسمعهاعلى شان تستفيد اكثر
المحاضرات المباشرة بدري عليها واللي مايقدر يحظرها ينتظر لين يتم تسجيلها لك وتدخل عليها بأي وقت وتفتحها وتنحسب لك الدرجة ..
طبعا كل مقرر ينزل له ( 14 ) موضوع نقاش خلال الترم كلّه .. تدخلون عليها من خلال خانة الحوار وتشاركون بكل نقاش مشاركة على شان تنحسب لكم الدرجة ..
خلال الفصل الدراسي سيكون هناك ثلاث واجبات وسوف تجدون حلّها على قوقل ..
تحلّونها على شان تحصلون على الدرجة ..
وباقي الأمور كلها سهود ومهود .. وأنصحكم بقراءة المواضيع التي شرح فيها الأخوة والأخوات طريقة التحميل والمشاركة بالنقاشات وحل الواجبات لتسهل عليكم الدراسة ..
وأي استفسار ترانا بالخدمة ..
اتمنى لكم النجاح ..