|
رد: شوركم وهدآيةة الله ي الربع ..! ( لياقة و صحه )
اقتباس:
المشاركة الأصلية كتبت بواسطة to0omy.
المذاكره من الملزمه وملزمه الدكتور نفس ملزمه هتان بالضبط والملزمه نقاطها من محتوى المحاضرات وشرح الدكتور يعني الملزمه بأكملها معانا وفي اشياء موجوده بمحتوى المحاضره مش موجوده بالملزمه ف لازم تكتبونها وتذاكرونها
ونصيحه اللي بيسمع لكلام الطالبات وطلاب الترم اللي فات راح يضيع
خلاص عليكم تذاكرون كل شي وتركزون بالمحاضرات والواجبات واسئله الاعوام اتركوها اخر شي ك مراجعه لأنكم بتكونون مذاكرين الماده
|
يعطيك العافية أختي ع المجهود اللي تسوينه مع الطلاب والله يوفقكم
بس شغله بسيطه حزت بخاطري شوي واختلاف الرأي لا يفسد للود قضيه أشوفك تحذرين كثير من آرائنا بالاختبار للمستوى اللي فات بما أن الاختبار كان كارثه بالنسبة لنا
بس حبيت أوضح كم نقطه اللي نكبنا مو اعتمادنا ع اسئلة السنوات السابقة وإلا عدم المذاكرة كلن له طريقته وهو مسؤول عن نفسه بس اللي نكبنا تشتت الدكتور نفسه ولخبطته للطلاب واحب أوضح لك الأمور
أولاً الدكتور ألغى الملزمة القديمة اللي كانت موجوده بالبلاك ونزل ملزمه جديده وطالبنا فيها وكان المفروض من الدكتور والأحرى بهالحاله يغير حتى المحاضرات المسجلة لانها تتعارض شوي شوي مع الملزمة الجديده
فجاب لنا سؤال إجابته بالملزمه جديده شي وبالمحاضرات المسجلة شي آخر فعلى أي أساس بيعتمد الجواب الصح هذا وإلا هذا مع العلم الاجابتين كانت موجوده من ضمن الخيارات
وكان في سؤال أو اثنين اجابتهم مو موجوده لا بالمحاضرات ولا الملزمة لدرجة انه من الغبنه والقهر اللي حس فيه الطلاب قعدوا لين بعد الاختبار بشهر وهم يفصفصون الملزمة عشان يلقون الإجابة بس ماكان لها وجود
وحذف لنا الرسومات وقال مو مطالبين فيها وجاب سؤال اللون الأزرق بالهرم الغذائي وش يمثل وطبعاً لازم تكونين شفتي الرسمة عشان تعرفين الجواب
وأتمنى تتقبلين نقدي بصدر رحب
وآسفه ع الاطاله
انا ماقلت هالكلام تخويف بس تحذير لأخذ الحيطه 
|