اعتقد بأنك قادر على التخرّج خلال ثلاث سنوات ونصف في حالة واحدة ..
إذا كان معدّلك التراكمي يسمح لك بتسجيل السقف الأعلى للساعات وتجتازهم بشكل كامل ..
وعندما ياتي الترم الصيفي يكون حظّك زين وتسجّل ست ساعات .. هذا اذا نزلت بالصيفي مواد من نفس تخصصك .
يعني انا بهذا الفصل بالمستوى الخامس .. وعدد ساعات المستوى حسب خطة الجامعة ( 16 ) فيهم مقرر درسته الترم اللي راح مع مواد المستوى الرابع ..
يعني سجّلت ( 14 ) ساعة وانا مسموح لي بتسجيل ( 18 ) فدخلت على مقررات المستوى السادس وسجّلت مادتين وبذلك اكتمل النصاب ( 18 ) ساعة ..
بالترم الصيفي الماضي سجلت مقررين باربع ساعات وحاولت أضيف مقرر ثالث وهو التدريب الميداني 3 من المستوى الثامن لكن الجهاز رفض يقبل الاضافة في بداية التسجيل ..
بعد ماسمحت الجامعة بالحذف والاضافة سجّلتها وقبلها الجهاز وصار عندي ست ساعات ..
المهم .. اذا سارت الرياح بما يشتهي ابن خلدون وماطلعت لي مشكلات وتعارضات بالمقررات ..
وجاء الترم الصيفي القادم وسجلت ست ساعات بإذن الله أبخلّص منها بثلاث سنوات عجاف ونصف ..
تخصص علم الاجتماع ( 132 ) ساعة وخلال سنتين ( اربع مستويات ) + ترم صيفي ... إجتزت بفضل الله ( 70 ) ساعة من غير المقررات التي سجلتها هذا السمستر ( 18 ) ساعة ..
ولو وفّقني الله ونجحت بمعدل مرتفع بذلك اكون انهيت ( 88 ) ساعة وبهذا يحق لي بالترم القادم تسجيل 22 ساعة واللي بعده 22 ساعه ..
حتى بدون صيفي ثاني ابنهيها بثلاث سنوات ونصف بمشيئة الله .. شاء الرفيدان أم أبى ...