الله يسلمكم كلكم ..وان شاءلله ماحد يتعرض يلي اتعرضلته يارب ..
والله ماحبيت أتصرف بسرعة أمس قلت أحاول اتصل يمكن ينفتح الجوال وبعدها اعرف وين مكانه عن طريق الابراج ..وأساسا أنا مستغربة كيف وربي قدرت أدخل واكتب موضوع
..رحت اليوم المستشفى وحللت ..والله والله منظري كان كأنه وحده جاها السكر من هول الموقف .....الحمدلله بس ..
أخ حسين : أكيد تذكرت يوم انسرق جوالك الايفون وأول شخص خطر ع بالي هو أنت ..ﻷن وقتها آلمني جدا ماحدث لك ...بس أنا جوالي جالاكسي مو ايفون ...
أما عن الرقم التسلسلي فأنا اتصلت بموبايلي وقاوا لو جبتي الرقم من الكرتون ممكن اننا نحرق الجوال بما فيه ..بس مدري انتو مجربين وتقولوا اشاعة ..
آه ..
الشي الثالث : بالنسبة للأخ العزيز ابو فهد ..
خلي كافة الشعب ع جنب أوك كونهم ممكن يخافوا انهم يتعرضوا لتساؤلات أو خوفهم انو ممكن يكونوا الحرامية مسلحين ..بالرغم أنو ماهو موقف اسلامي ترببنا عليه ابدا ..أن ترى امراة تستنجد ولاترمي لها بالا ...!!!؟!؟ قمة التبلد وال ...استغفر الله صبرك يارب ..
خلينا نجي عن سيارة المطاوعة بالذات يلي كل واحد لحيته الين كرشته ومتكشخين بالجيب ...!!؟ بالله باسم أي دين ماشين ! ترى أنا ماطلبت يمسكهم كان نداءي بس نلحقهم اخد الرقم من خلف الدباب ..وطبعا أكيد مارح ارضى اعرض أي شخص يعرض حياته للخطر مع أولاد شوارع كرمالي !؟! لكن منجد أكثر من موقف اقسم بالله خلاني اشمئز من هالمناظر !!! خلي الطابق مستور ........بس كل واحد يحط فباله انو ممكن يحصل هالشي ﻷحد محارمه والدنيا دوارة ..
والسيكورتي كل واحد سلاحه طوله ويتبسموا ..ياخي الموضوع تبلد ..الموضوع تحس مافي ناموس مافي رجولة لدرجة اني مسكت واحد وحركته بس يستجيب لنداءي ..يعني بس لو كان ضرب بسلاحه كفرات الدباب كان خير وبركة ...ماطلبت المستحيل ...ويقولي بأي جبهة راحوا وهو يطالع فيهم ..نسفوا جبهتك عللي معاك ..
معليش يابوفهد صدقني مافي أي مبرر أنك تشوف انسانه ضعيفة بالشارع والحرامي قدام عينك ودباب أبو كلب ماشي سلحفاة يتمتختر بعين قوية أمام الحميع ...وبحارة كلها وزارات وكامبودات والحراسة مشددة والساعة 3 الضهر ..!!وما تدب فيك النخوة تلبي النداء ....بس لمين أشكي دام السيكورتي نفسه لحقني برمضان لين البيت أنا والوالدة ويعاكس فيني !! ويجيك هندي سواق من ورانا يحاول يحمينا !!أقسم بالله قمة المهزلة ياناس ....
قولي يابو فهد تحب أتعمق أكثر وأخرج مافي القلب والذاكرة من غيظ وآلام أم اكتفي ! في تفاصيل لا تحكى ولا تسرد ..بل لايشعر بها الا صاحب الموقف ...
"نعيب زماننا والعيب فينا ..وما لزماننا عيب سوانا "
طبعا أنا أنا ما كملت القصة ..الشي يلي قطعني اقسم بالله وبكاني للصميم ..أنو شافتني امرأة كانت بسيارتها امام البيت ونزلت ملهوفة تلحقني وحكيتها القصة فركبتني فورا واتصلت بزوجها فورا يخرج ..وصرنا ندور بين الحارات لكن كان الوقت جدا متأخر وفات الاوان ....بس مغزى حديثي انو ماحد حس فيني غير امرأة زيي زيها ..اقسم بالله شي تقشعر له الابدان ..
امرأة تفزعلك ورجال طول بعرض وسياراتهم وأسلحتهم تحت أمرهم ولا فزعولي ...
طبعا الموضوع صار دراما فجأة والحديث داير بيننا وبين هالمرأة ..الا تطلع وحده جارتنا بالحي المجاور وحضرت زواجها وعرفت انو زوجها ضابط بس هي تزوجت وسافرت وكانت باجازة هالفترة هههه الدموع على خدودي وصرت أضحك ..شر البلية مايضحك ....
اسأل الله أن يستر على جميع بنات المسلمين ..وينتقم ربي من أولاد الحرام ويبعدهم عنا ..
واليوم أكيد رح أطلع بدل فاقد ..والمموري عوضي على الله للاسف الشديد.....حسبي الله ونعم الوكيل ...