ملتقى طلاب وطالبات جامعة الملك فيصل,جامعة الدمام - عرض مشاركة واحدة

Priceless · #1 2013- 9- 21

السلام عليكم ورحمة الله وبركاته ..

اول شيء اهنيكم بمناسبة اليوم الوطني

في هذا الموضوع احب افيد الطلبه الجدد والطلبه المنتظمين اللي ما عندهم فكره عن كتابة بحث علمي اللي غثونا فيه الدكاتره

طبعا بعيدا عن اساسيات البحث العلمي والكلام الكثيير ابشرح لكم الخطوات اللي نمشي عليها لما نكتب بحث علمي ويكون ان شاء الله تاخذ الدرجه الكامله علييه

نبدأ على بركة الله

1 - الصفحه الاولى يفضل ان يكون فيها اسمك والتخصص واسم الماده واسم الدكتور ويا حبذا تحط شعار الكليه عشان تطلع اكشخ وكذا

2 - بداية البحث تعطي مقدمه عن الشيء اللي بتتكلم عنه قبل ان تدخل في التفاصيل ( لا يتجاوز صفحه واحده ).

3 - بداية الدخول في التفاصيل ولازم تكون مرتبه يعني مثلا مرض السكري تبدأ اول تعرف عنه وعن تاريخه ومن ثم تدخل بأنواعه "لانه له نوعين " وطبعا تفصل بأنواعه .

- بعد ذلك تروح للاعراض والعلامات وتذكرها بشكل مفصل بس بحدود وبعدها تنتقل لأسبابه ومن ثم الى طرق التشخيص الى العلاج .. هذا مثال سريع طبعا .

4 - بعد م تخلص من كتابة البحث باقي كتابة المصادر اللي اخذت منها معلوماتك سواءا كتب او مواقع الكترونيه واحب اذكر ان هذه الخطوه جدا مهمه والدكاتره دايم يركزون عليها .. لان بعضهم ما يقرون البحث ع طول يروح للمصادر ويشوف من وين وهذا الشيء صار قدامي اكثر من مره .. ( خلها في اخر صفحه )

5 - تبدأ تنسق البحث عاد انت وابداعك بس ي ريت يكون تنسيق خفيف عشان يعطي انطباع جيد للدكتور

بالنسبه لمصادر البحث فيه موضوع مثبت خاص فيها بإمكانكم تشيكون عليه .. الابحاث العلميه راح تطلب منكم كثيير يعني توقعوا كل ترم فوق ثلاث ابحاث ع الاقل .. سامحوني اذا التنسيق سيء ويعطيكم العافيه