رحلت
وصرت أنا والليل وحدي
وش يبي هالليل ناطر
ليه بعده ما رحل

كانت الدنيا سهر
وكل ما أسرح تمر
في خيالي لمحة منك
مرة طيبك مرة همك
وأكتفي فيها بوجودك
وأنا ذابحني صدودك
وأحلم بقربك عمر

كانت الساعة ثلاث وتمت الساعة ثلاث
وأنطر اللحظة تمر أنطر الساعة تمر
والصبر مل الصبر
ما بها أي اكتراث

يا حبيبي ليه رحت
وكل ما فيني يبيك
حتى شعري يوم قلته قام يسألني عليك
صرت أنا والليل وانت والزمن
قصة غياب
كل ما أنادي تباعد كنك تزيد العذاب
وما أبي أكذب حبيبي
إني أهوى بك غيابك
حتى أكتب لك حبيبي
وأنقش بدمعي عذابك

ايه رحلت
وصرت أنا والليل وحدي
وش يبي هالليل ناطر
ليه بعده ما رحل