على صدر الورق سال احتضاري
سكبتـه حـرف مـن نبـرة أنيـنـي
يذوب الشمع في ليـل انتظـاري
.لصبـحٍ فــي متاهـاتـه حنيـنـي
قطعته درب في عمر الصحـاري
سـرابٍ بـدد فــ / عينـي يقينـي
كتبتـه غـربـة تعـنـي انكـسـاري
وقريتـه عبـرةٍ حــارت تجيـنـي!!.
أتــوه بـلهفـتـي وأنـثـر ســواري
وكحل من عيون الشـوق فينـي
فعذرٍ من قميص الصـدق عـاري
سترته عن هدب عينـي فعينـي
ضويتـه بالوفـا مـن نــور جــاري
وحضنـتـه بـيـن آهـاتـي وبيـنـي
لبسـت مــن الـنّـدى زيٍّ يــواري
عن عيون الشفق حمرة جبيني
قطفني حلم فـي ليـل انتحـاري
ونسج إكليل من زهـرة سنينـي
فدتـه الـروح ...يفـداه انكـسـاري
وبحة صوت مـع شوفـه تجينـي