ملتقى طلاب وطالبات جامعة الملك فيصل,جامعة الدمام - عرض مشاركة واحدة

Dark Chocolate · 2013- 9- 24

اقتباس:

المشاركة الأصلية كتبت بواسطة Doo3a_al3bbad

وهو بخصوص البنات اللي تگشف فيسها او انو تتلثم في الاماگن العامه ..
من وجهه نظركم ايش تحسونها ..؟!
انو البنات تدخل مول او مگان عام وهي گاشفه طبعا برضى اهلها ..

كان حطيتوا تصويت موب ازين

انا عن نفسي اللي بتكشف و تقول انا امشي عالمذهب الشافعي بقول اكشفي يا اختي بس بدون ماتليسين خشتك لانهم يقولون اكشفي بس بدون ما تتزينين و الله لتعض كل وحده على غطاها وهي ما تشوف الدرب

يا كثر اللي يكشفون هنا احيانا وحنا في السوق اختي تقول احس بس حنا اللي نتغطى كل اللي اشوفهم بس متحجبات

انا بصراحه بصراحه استحقرهم

مو اللي متحجبه و هي مو حاطه ولا نقطة مكياج لا اللي تتلثم وتسوي عيونها كأنها جنحان طير من كثر السواد

و اللي تضرب وجهها بويه وهي متحجبه هذولا ما ادري كذا استحقرهم تلقائياً

اقتباس:

ولو اخت من اخواتكم گانت گذا او زوجاتگم او صاحباتگم هل راح تمنعونهم ..!!

لا ماراح امنعها بس بنصحها 3 مرات واذا ما انتصحت بتبرأ منها

اقتباس:

ولو تزوجت وحده كنت تعرف انو هي ببيت اهلها تكشف واخذتها على اقتناع بعدها هل راح تندمت ..!!

هذا للشباب

بس تذكرت وحده من صديقاتي بيزوجون اخوهم وهو مايبي يتزوج و خطبوا له وقالوا بس شوفها وبتغير رايك وتتزوج

المهم شافها وصدق غير رايه بس حت المصيبه الكبرى

وقالوا اهلها ترى بنتنا تتحجب تبي اهلا وسهلا ماتبي يفتح الله

الزبده انه بدال ما كان رافض انه يتزوج هالحين حرم انه يتزوج

مسچين كاسر خاطري

بس اخته للحين مصره تزوجه و خايفه يطيحون بهالموقف مره ثانيه تقول صعبه نقول بنتكم تتغطى والا ما تتغطى

قلت عادي قولوا بنتكم تلبس نقاب والا برقع

و اذا قالوا لا ذا و لا ذا حطوا رجلكم

اقتباس:

ولو اختگ تگشف وابوگ راضي لها وانت مهب راضي راح توقف بوجه والدگ ..!!
ارجوا ان تقولوا ارائكم بكل صراحه ودون (( اي مجامله ))
واي نصيحه لهم ..
ولكم منى جزيل الشــــــــــــكر

من دون مجامله بلييز ..

هذا للشباب بعد

ما اقول الا الله يهديهم

بصراحه التعليقات عالموضوع خطيرة