المشاركة الأصلية كتبت بواسطة وصال السعدي الصوره اللي شرحته واضح بس الجدول اللي نزلها بعدين مو محدد السعر ويقول استخرجو رقمين متفقين صعب

الحين بشرح نفس المثال اللي شرحه الدكتور في المحاضرة

الحين لو إحنا لعبنا كورة وأجهدنا نفسنا .. بعد ماتخلص المباراة حنكون عطشانييين مرة أو مثلا بعد أي رياضة

نسويها ... حنروح أكيد ونشرب موية .. أول كاسة حتحسي إنك استفدتي منها لكن مو بشكل كافي .. راح تحسي

إنك تحتاجي كمان موية .. تشربي كاسة ثانية حتحسي إنك استفدتي لكن تحتاجي كمان شووووية علشان

ترتوي من الموية .. تشربي الكاسة الثالثة .. حتقولي خلااااااااااااص أنا أكتفيت ... وارتويت من الموية .. هنا

حتكوني استفدتي من الموية بشكل كامل .. نقدر نقول إن هنا صارت المنفعه الكلية .. أول كاسة أخذتي منفعه ..

زادت المنفعه الكلية مع ثاني كاسة .. وزادت مع ثالثت كاسة هذا معناه ( المنفعه الكلية تزداد بزيادة الكمية

المستهلكه من السلع ) طبعا عند الكاسة الثالثة خلاص ماعاد تقدري تشربي موية كمان هنا حنكون وصلنا

لنقطة إسمها ( النهاية العظمى ) فكري فيها إنها هي النهاية تبع الكاسات اللي حتشربيها ..

الحين إحنا لو شربنا كاسة كمان وهي الكاسة الرابعه إش حيصير إحنا زدنا الكاسات لكن هل زادت المنفعه

حقلكم أيوة لكن مو بالشكل اللي استفدنا منه لما شربنا الكاسات الثلاثة الأولى .. يعني المنفعه نفسها بدأت

تتناقص ... إحنا يعني قاعدين ناخذ منفعه لكن منفعه تأخذ بالتناقص لين نوصل لحد ممكن الله يكرمكم نخرج كل

الموية من معدتنا .. هذا شرحي للي فهمته من المنفعه الكلية ان شاء الله تكونوا فهمتوه ...
مايحتاج الرسم البياني حيكون واضح لو فهمتوا اللي شرحته

المنفعه الحدية ... هي التغير في المنفعه الكلية نتيجة لزيادة الإستهلاك بوحدة واحدة .. بمعنى أنا كم أخذت

منفعه لما شربت الكاسة الثانية فقط المنفعه من الكاسة الثانية مالنا علاقة كم المنفعه اللي أخذناها من الكاسة الأولى .. فقط المنفعه من الكاسة الثانية ..

الحين أبي أسألكم المنفعه اللي أخذناها من الكاسة الثانية هي نفسها المنفعه من الكاسة الرابعه ؟؟ نفسها من الكاسة الخامسة ؟؟

طبعا لأ المنفعه صارت تنقص لأنه إحنا وصلنا للنهاية العظمى وصلنا لمرحلة الإكتفاء والإرتواء والمنفعه اللي

ناخذها من الكاسة الرابعه أقل من المنفعه اللي ناخذها من الكاسة الثانية .. هنا نقدر نقول التناقص هذا ونوصفه بإنه تناقص المنفعه الحدية ...

المنفعه الكلية هي الإستفادة من جميع الوحدات بمعنى الكاسات الثلاثة كلها كم استفدنا منها

المنفعه الحدية هي المنفعه من وحدة واحدة بمعنى كم استفدنا من الكاسة الثانية فقط ...

في الجدول الموجود ماقدرت أرفعه مارضي شوفوه بالملخص ... في جدول المنفعه الكلية والمنفعه الحدية ... عندنا في الجدول أرقام كثيرة ..

نحفظ المعادلة ... المنفعه الحدية = التغير في المنفعه الكلية ÷ التغير في الكمية ..

التغير في المنفعه الكلية معناها مثلا هو طلب منك المنفعه الحدية للوجبة الرابعه .. طيب إنت كم كانت المنفعه

الكلية عند الوجبة الثالثة ؟؟ هي 153 طيب كم كانت المنفعه الكلية عند الوجبة الرابعه ؟ هي 181 إذا التغير في

المنفعه الكلية هو المنفعه الكلية عند الوجبة الرابعه - المنفعه الكلية عند الوجبة الثالثة

أي 181_153 = 28 وهنا إحنا أوجدنا أول جزء من المعادلة اللي هي التغير في المنفعه الكلية

التغير في الكمية اللي هي إحنا عند الرابعه وقبلها الثالثة نطرح 4 من 3 ,,يكون الناتج 1

طبعا المفروض نكتب المعادلة بالرموز رمز دلتا مو موجود ع اللاب ماراح أقدر أكتبه راح أستبدله بهذا ^

mu رمز للمنفعه الحدية .. Tu المنفعه الكلية .. Q اللي هي الكمية ..
Mu=^tu÷^q
28÷1 =28 وبس .... هذا الحل ولا أسهل من كذا ...

في الجدول عندنا قانون لازم تتساوى المنفعه الحدية للكتب مع المنفعه الحدية للطعام لو تغيرت حيتغير الجدول ..

التغيرات والجداول بخليها بعدين بس أقدر أوضحها كويس عندي مو واضحه