2013- 9- 28
|
#2
|
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
هبه التويجري
اليوم راح أحاول أشرح محاضرات الإقتصاد ببدأ من المحاضرة الأولى لين نص السادسة لأني وصلت لين هنا ... طبعا متأخرة مرة لكن بحاول أفيدكم بإذن الله باللي درسته ..
المحاضرة الثانية ....
تكلفة الإختيار ... أو أقدر أقول تكلفة الفرص البديلة ...
بمعنى إنه أنا عندي حاجتين ... مثلا أنا أنتج كتب وأقلام ... عندي عمّال علشان يصنعون الكتب وعمّال علشان يصنعون الأقلام ... وفجأة اكتشفت إني أحتاج أنتج أقلام أكثر .. لكن ماعندي العماله اللي تقدر تنتج لي أقلام أكثر ... فأروح آخذ أفضل العمال اللي عند الكتب علشان أخليهم ينتجون أقلام ...أنا راح أتكلم معاكم بالأرقام مثلا عندي عشر عمال للكتب وعشر عمال للأقلام ... أفضل عمال الكتب هو شخص .... أخذت هذا العامل وخليته مع عمّال الأقلام .... صار عندي 9 عمّال للكتب .. و 11 عامل للأقلام .... ((( إذا أنا هنا ضحيت بعامل من عمال الكتب مقابل الاقلام ؟؟؟ )))
بعد فترة أدركت إني أنا أحتاج عمّال كمان علشان أتوسع أكثر في إنتاج الأقلام ... لكن أنا هنا أخذت أفضل عامل من عند الكتب ... وهذا العامل علشان ألاقي إنتاج زي إنتاجه وبنفس المستوى لازم أجيب عاملين من عند الكتب ... لكن نلاحظ هنا إنه ذول العاملين الإثنين حينتجون لي بقدر عامل واحد .. اللي هو أفضل عامل أخذته من قبل وهنا راح يصير ( 2 عامل = 1 عامل ) بمعنى أقرب ... لما أنا نقلت هالعاملين على مصنع الأقلام حسبت إنتاجهم مقابل انتاج عامل واحد ...
يعني صار عندي 7 عمّال للكتب (( أخذنا عامل وهو الأفضل ورجعنا أخذنا عاملين ) وفي الأقلام 12 عامل ( أخذنا عامل من عند الكتب ورجعنا أخذنا عامل ( العاملين اللي ينتجون زي إنتاج العامل الواحد) نظريا المفروض يكون عندنا 13 عامل في مصنع الأقلام .. لكن لأنه هناك عاملين ينتجون زي عامل واحد حسبناهم كعامل واحد ...
وهذا السبب اللي يخلي منتحنى الإنتاج يظهر بهذا الشكل ... http://www.liilas.com/up/uploads/lii...7230591.rar((( ماعليكم بخرابيش الدجاج خخخخ)) الحين أنا عند النقطة B وعندي عدد العمالة الكافيه واللي احتاجها علشان أصنع الملابس لكن احتجت عماله علشان أنتج غذاء ... فأروح آخذ من العماله تبع الملابس علشان أنتج غذاء ... إذا نقصت عمالة الملابس وزادت عماله الغذاء .. بما إن عمالة الملابس نقصت فبديهياً إن المنحنى راح ينزل لتحت .. وبما إن عمالة الغذاء زادت فبديهياً راح يروح المنحنى لليمين ... إذا المنحنى نزل لأسف وراح لليمين ... أستمر بأخذ العماله من مصنع الملابس وأنقلهم للغذاء لين أحقق نقطة الكفاءة الإنتاجية اللي هي عند النقطة C ,,, الحين إحنا عندنا كفاءة انتاجية ... لدينا العدد اللي نحتاجه من العماله لإنتاج الملابس والعدد اللي نحتاجه من العماله لإنتاج الغذاء
عند النقطة D هي نقطة إحنا نقدر نكون عندها بمعنى يمكن إنتاجها لكن هذه النقطة لو كنا عندها إحنا مااستغلينا الموارد ..( العماله اللي عندنا أو المواد الخ الخ ) يعني حيكون انتاجنا مو كويس ...
(( النقطة المثلى للإنتاج)) أي نقطة موجودة على حدود المنحنى هي نقطة مثلى للإنتاج .. نكون إحنا فيها استغلينا الموارد كلها .. يعني مافقدنا عماله .. العماله اللي ماهم عند الملابس يكونون عند الغذاء ..
الحين إحنا طالما عندنا عدد عماله ثابت وهم نفس العماله من أول .. ونستخدم نفس التقنية بالإنتاج ولا زاد شيء ماراح يكون انتاجنا أفضل راح يكون بنفس المستوى .. لكن متى مازادت الأيدي العاملة أو متى ماحسنا التقنية وصارت التقنية أفضل للإنتاج راح ننتقل للنقطة E لكن طالما إحنا عندنا نفس العماله هذه النقطة لا يمكن تحقيقها .. يعني لو جاكم هالسؤال بالإمتحان جاب هذا المنحنى وقال عند النقطة E ؟؟؟ حتقولون نقطة لا يمكن تحقيقها لعدم كفاية الموارد ...
أتمنى يكون شرح قاعدة الإختيار واضح هو والمنحنى ... دمتم بخير ولي عودة بشرح باقي النقاط للمحاضرة
|
|
|
|
|
|