حيا الله همومي من الليل لليل
هذي مواعدها ليا صرت سالي
وحيا الله همومي على البن والهيل
تقلط مقلايط الرجال الغوالي
يا هاجسي صبرك ترى ما بنا حيل
ابديتلك علماً بحينه طرالي
الضيق يرسل صوب صدري مراسيل
يخبر العاني بسود الليالي
مرت سنين ولا لقينا محاصيل
وطبع البشر ما بين صالاً وجالي
قامت ظروف الوقت تنطح هل الخيل
وشد الأعنه ما بقاله مجالي
تستبدل الايام جيلاً بدل جيل
والحال نفس الحال ما به محالي
ان جيت للعاقل تبي خير تفصيل
لد النظر ثم قال مالك ومالي
راح الزمان اللي نشوف الرجاجيل
تاقف بوقفتها على كل حالي
ولا اقول ما به في زماني حلاليل
موجود من يعشق ويروم المعالي
اتمنى كلماتي تنال على اعجابكم,,,,,,