المشاركة الأصلية كتبت بواسطة o_lg_ll

وان شاء الله مايتغير

نظأم اوك مافيه مشكلة وتعامل مع الانظمه بشكل عام اقصد نظام دراسة الانتساب كيف طريقتها بشكل عام من الالف الى الياء

اللهم العقلية في التعامل قديمة وفيه تعطل في الأنظمة مايصلحونها بسرعه ويخلونها تتراكم فتره

يعني مثلاً السداد فيه عطل عادي يجلسون شهر على مايصلحونه

في كم محاضرة فيها خطاء عادي يجلسون أسبوع على مايصلحون

الخ الخ من اخطاء في السستم وعدم سرعة تصليحه

بس هذا نظأم الأنتساب

كيف ندخل عليها وكيف نطبع وكيف نحمل ونحل ونناقش اوك نظامهم حلو

بس الاعطال لصارت ماتتصلح وكثير اعطال تصير

وانا اكلمك جد ان شاء الله مايتغير نظأم الانتساب لنا جد نظأم يعطيك الــ 30 درجة وماهو معقد اللهم شد حيلك في الأختبارات النهائية

والله ماراح نحصل أحسن من كذا و أستغل الوقت الى انت تعيشه الأن

لنا ماتدري بكره يتغير النظأم ويتعقد وتتصعب الدراسه

ومثل ما انت شايف وانت اذا عمرك صحيح 35 انت شفت في الدنيا كيف تتغير انظمه في كل مكان واشياء كثيره مرت والى أستغلها استغلها والى ما استغلها الله يكون في العون




الموظف الحكومي وهذا الى عندنا هنا يلوح الشغل على هذا وهذا الشي معروف
والتطور في الدائرة الحكومية بطيئ جداً ومحارب وفوق كذا اي تطور في الدوائر الحكومية يجي بأمر وغصب على الموظفين والمواطن

يعني مثلاً يجي مهندس او مبرمج او موظف حكومي عنده فكرة تطويريه لأييييييي شي اييييييييي شيييي

اذا طرح هذي الفكرة معروف ربعنا بيقولون له كل تبن بس وخلنا ندوام ومتى تجي الساعه 2 عشان نوقع ونمشي والكلمة المشهورة حقتنا فاضي انت

وفوق كذا اصلاً لو يطرح هذي الفكرة وتنرسل مثلاً لمقر العمل الرئيسي ولا راح احد يعطيه وجه

الا مارحم ربي الا مارحم ربي الا مارحم ربي




انا مألوم الى أعمارهم 20 19 22 24 هذا توه الحين يعرف للأنظمة كيف تدار عندنا ومن حقهم يفتحون مواضيع ويهذرون ويناقشون وكيف كذا ومايصير وشلون وماشلون ويجي شخص يوضح لهم ويهذر معهم الخ الخ

ايه خريج ثأنوي او جامعة وراح ينطلق في الحياة ويشوف الى له والى عليه

اما انت ياتركي عارف الوضع بختصار عندنا

نوم في العسل و واسطه بالله عليك نتعاون على أيش نتعاون على انظمة حكومية نبي نغيرها وانت وانا ندري ان الانظمة الحكومية مهما تضغط عليهم تطنيش لمن تموت

الانظمة الحكومية ماتتطور و لا تتحرك الا اذا هي تبي بنفسها وبس

وبعدين معروف عندنا هنا اي شي احمد ربك في الأول والاخير انها مشت أمورك احمد ربك انك توظفت احمد ربك انك تزوجت احمد ربك الخ الخ وصحيح الحمد لله على كل شي وبرضى تأم بعد لنا التوفيق بيد الله في كل شي والتوفيق والرزق والنصيب هذي أشياء كاتبها رب العألمين

بس في أشياء حقك انت انهم مايبهدلونك انهم يكونون واضحين معك انهم يتسنعون ويحللون رواتبهم ومكانهم الى هم متوظفين فيه ويخدمون المكان الى هم فيه

بس معروفه و طبعاً في كل شي الأمر لله بعدها ضبط امورك بمعارف و واسطه الخ الخ




شوف حبيبي والله لاتخليني اتكلم عن الجامعة أعرف مسؤولين فيها

الجامعة فيها نأس عندها عقلية مشاء الله بس مايقدر يسوي شي لنا لابد قرار بتطوير هالشي او تحديثه

والله ثم والله أعرف مسؤال في الجامعه والله ثم والله متحطم من الوضع الى هم فيه ويقول مافي تقدير لعملك واجتهاداتك

بالله عليك هذا مسؤال وكذا فما بألك في الموظف البسيط العبد المأمور




شوفني انا ( أعوذ بالله من كلمة أنا )

اذا انت تعرف طريقة معادلة المواد في الانتساب مايحتاج اشرحها لك بس الطريقة اذا تعرفها راح تعرف كيف تأخذ وقت وبهدال ويعادلون لك والا مايعادلون لك ويطلعون روحك الواحد في المعادلة لنا مسكين مايدري يأخذ هذي المادة يدرسها والى يأجلها ومايدري متى بتطلع نتيجة المعادلة

الا مارحم ربي في ناس تطلع لهم النتيجه السمستر الجاي وهذا اقل وقت واسرع وقت تطلع فيه النتايج

وعلى فكرة معادلة المواد تراه مفتوح على طول السنة بس هم يجونك ويحددون وقت عشأن مزاجيت الموظف
يقولون ان خلاص الموظف يستقبل المعادلات ويدرسها الى هم الدكاتره ويعادلون للطلاب وتطلع النتيجة السمستر الجاي او بعد سنه وفي ناس تجلس سنتين وتطلع نتيجة المعادلة




اختصار الكلام انا برحمة رب العالمين سبحانه و واسطه خلصت معادلة المواد في 5 أيام ورسمية بعد ونزلت على نظام البانر حقي ان هذول المواد معادلة لي رسمي

وأحمد ربي ان رب العألمين وفقني وخلصت المعادلة وعرفت شنو المواد الى اقدر اكنسلها وما ادرسها والا كان درستها في هذا السمستر لنا في مواد اسمائها مو مثل اسماء المواد الى درستها من قبل

يأخوي خلنا ساكتين بس




انا مو قصدي اتهجم عليك او على اي احد وبالعكس احترم وجهة نظر اي شخص

بس تبي الصراحه موضوع مثل موضوعك بكل اختصار تنفيس عن النفس فقط وهذره لا راح تقدم ولا تأخر




يعني بالمختصر عطني وساوني بين النأس من اكبر واحد الى أصغر واحد

هذيك الساعه انا اقولك انا معك ويالله قوم نقدم شكوى والسيارة على والفطور على



أسف أسف أسف أسف جداً على الاطألة