-عنصر اللقافة و الفضول كان عامل شغله فيني و انا صغير
-بديت اسمع اغاني البيتلز اللي كانت تجي عل القناة الثانية
والعب كمبيوتر صخر و العائلة و اركز على كل شي بالانجلش
-بعدين جتنا رازان مغربي في الام بي سي برنامج بوبس اند توبس وغصنا بمراهقتنا في مايكل و بريتني و كريستينا و باك ستريت بويز و ان سينك و غيرهم
وصارت معنا سيارة و طحنا في اغاني الراب توباك و وبيقي و غيرهم
-بدت تتطور التقنية جتنا العاب زي النيو جيو و النينتندو و السيقا و السوني و كل العابها انجلش بالذات الطويلة زي ريزيدنت ايفل اللي يبيلها تفهم عشان تعدي باللعبة
-قنوات افلام بالهبل طحنا فيها بعد ماجانا الاوربت و الشوتايم و زادت اقتباسات لهجاتهم و المحادثات وقتها
-وتخرجنا و دخلنا كلية الاتصالات اللي كلها انجلش في انجلش ..حتى الفيزياء اللي انحشت منه جاني وبالانجليزي.
-السفرات للخارج افادتني بموضوع الاحتكاك بالاجانب..
-ثاني سنة بالكلية سجلت في المركز السعودي البريطاني و كملت معاهم شهر ورا الثاني لين كملت سنة و تخرجت بدبلوم لغة انجليزية
-تخرجنا من الكلية و خلصنا التطبيق مع الاجانب في وزارة الخارجية و مرت الايام و توظفنا في الاتصالات واللغة المتداولة كانت انجلش .
-ولاتهون الجوالات الذكية و تطبيقاتها و بيئتها اللي تزيد معدل المفردات الانجليزية عند الواحد..
ولازلنا نتعلم..........