عسى الله يحفظنا من عيون بعض الناس
تلدّ النظر وتصدّ من غير ماشاء الله
/
تغذّي نواظرها شياطينها الأنجاس
سهوم الحسد منها على الخلق منسلّه
قلوبٍ ما تنبض غير بأحقادها يباس
وكبودٍ تشيل الشرّ بالغلّ مبتلّه
/
لا شافت ما يعجبها يوسس لها الوسواس
وراحت في شوره تعقد الحبل وتحلّه
يجيك الحسود و وجهه ابيض من القرطاس
ولو تفتشه قلبه كبر كورة السلّه !!
/
تمنّى له الخير .. وتمنّى لك الإفلاس
وهاذي طبيعة كل خارج عن الملّه
ياراسي طهور وسالم وطيّب ولا باس
تحصّن بذكر الله وهذا دوا العلّه