اولاً شكراً على الاهتمام
ثانياً كل اللي قلتيه صحيح بدون مجادلة فالتنسيق صعب لكن بشوية مجهود منهم وتعب والاهم صرف راح تحصل نتائج احسن واحسن وبعدين اعتقد ان خبرتهم افضل من السنة الاولى
اعتقد في خط تراكم الخبرة عندهم متوقف أو ينقطع في كل فترة والموضوع يحتاج منهم انهم يقومون بدراسة وبحث واخذ آراء المشاركين في الدراسة للتحسين ليس الا
وبعدين هم ما يبون عدد المشاركين يزيد
أنا كنت في بداية الترم الاول لي في الجامعة انصح الناس انهم يسجلون معهم لكن في كل يوم تخف هالحماسة اللي عندي واتوقع انهم اذا استمروا على هالمنوال في الاخير راح انصح الناس انهم ما يتورطون معهم
فلازم يلقون حل لهم
ثالثاً انتهي بما بدئتي به اولاً العلم او الشهادة
اذا همكم العلم فالشهادة راح تجي بالتالي
اما اني احصل على الشهادة بأي طريقة كانت
فراح تحصلها كذلك ........ لكن!!!!!!
وحط تحت لكن الف خط
بحكم خبرتي
(كموظف موارد بشرية من اكثر من عشر سنين)
اللي يعتمد على الشهادة فقط
راح يطيح من اول يوم ولا راح يكون مقنع لزملائه والموظفين اللي يعملون معاه
وراح يلقى منهم مقاومة كبيرة وبالتالي فشله في ادارة العمل اللي هو ماسك منصبه
طبعاً انا ما اتكلم عن الاستثناءات
فواجهت ناس نصابين يعرفون كيف يضحكون على الناس واستمروا ولا ترقوا في العمل ..... واسرقوا وارتشوا
وفي ناس توظف بالشهادة لكن اصلاً وظيفته ما تحتاج هالشهادة والنتيجة الشهادة ما استفاد منها
الاستثناءات كثيرة ومتشعبة ومتنوعة لكن المهم انك تلاقي ربك وانته راضي عن ما قدمت من عمل
والاهم ان الله يرضى عن ما قدمت من عمل
والله المستعان