|
هام لكل طلاب المستوى الأول
السلام عليكم ورحمة الله وبركاته
صراحه بعد اللخبطه والحوسه اللي مرينا فيها قلت لازم اراجع الإدارة
وفضيت نفسي اليوم وسحبت على موعد بالمستشفى كله لجل اروح للجامعه
افيد نفسي اولأ ومن ثم افيدكم مالكم بالطويله
دخلت على المسؤلين بالإدارة ودار بيننا النقاش التالي
انا : اخوي الأن التحديثات المتكرره اللي تسير بالسمستر هل تأثر على المواد اللي حملتهن والمناقشات
يعني كل ما تحدثو ارجع احمل من جديد
الإدارة : لأ انت مالك دخل ودرجاتك محسوبه من اول تحميل لك سواء تحدث النظام او لم يتحدث
انا : طيب اخوي متى اخر موعد لأحتساب الدرجات سواء المشاركات او الواجبات او المحاضرات
الإدارة : اخر موعد في تاريخ (1435/2/18هـ) الموافق (2013/12/21مـ) ولو ما تحل ولا مناقشه او واجبات او محاضرات وتخليهن مره وحده برضو مايضر بس يكون قبل التاريخ المذكور
انا : طيب اخوي بالنسبه لمادة الرياضيات من المدرس حنفي او ملفي
الإدارة : حنفي ساب الجامعه والمدرس اللي بيدرسكم هو ملفي الرشيدي
انا : طيب مادة (مبادئ القانون . مبادئ الاقتصاد الجزئ . مبادئ الإدارة ) نزلن كاملات والكامل الله
و مادة (مبادئ الإدارة ) 3 محاضرات بس ومادة (الرياضيات ) التمهيدية والأولى فقط
الإدارة : راح نرفع موضوع المواد ونشوف ايش مشكلتهن
(طبعا فتح السمستر قدامي المواد كلهن موجوده ليش ما نزلت مدري )
انا : طيب اخوي موعد الأختبارات متى راح يكون
الإدارة : في تاريخ (1435/2/21هـ) الموافق (2013/12/24مـ)
هذا اللي دار بيني وبين الأدارة شخصيا ويارب اكون نفعتكم ونفعت نفسي
تمنياتي لكم ولي بالتوفيق
|