توضيح للحالة الاولى: وهي ان الكمية المعروضة اكبر من الكمية المطلوبة، حالة (الفائض) سينتج عن هذه الحالة احداث متسلسة في السوق وهي:
1- سينخفض السعر.. وهذا شيء بديهي اذا توفرت سلعة ما بكثرة وكانت اكثر مما يحتاجه الناس فسيضطر التجار الى تخفيض سعرها.
2- بالتالي سيقل عرضها.. لان التجار يبيعونها بأقل من سعرها المعتاد وتحسب عليهم بخسارة.
3- يزداد الطلب.. لأن عرضها انخفض في السوق فيكون الطلب عليها ازداد نسبيا.
4- يتناقص حجم الفائض تدريجيا.. لان سعرها انخفض
5- يصل السوق الى حالة التوازن مره اخرى... ولكن بسعر جديد اقل من السعر القديم وكمية توازن اكبر من الكمية القديمة (فتصبح الكمية المعروضة مساوية تماما للكمية المطلوبة)
انا الي فهمته من هذا الفائض ان الشي المعروض والغالي ماراح يشترونه الناس وراح يتجاهلون الكمية المعروضة حتى ينخفض سعرها وتنخف الكمية فيزداد الطلب على الكمية لان سعرها انخفض ويقل معروضها لان تسبب خساره لهم من هنا كل شي اوك بس اول مايخفضون سعر المعروض ليش الناس ماتشتريها قبل لاتنخفض الكمية المعروضة ويزداد الطلب عليها لايغرك ترين فاهم بس لبس بالموضوع ههههههههههههههههههه
الحالة الثانية: الكمية المطلوبة اكبر من الكمية المعروضة (العجز)سينتج عن هذه الحالة احداث متسلسة في السوق وهي:
1- يرتفع السعر... وهذا شيء بديهي اذا كان الطلب زايد على سلعة ما والي موجود منها في السوق اقل من حاجة الناس سيرتفع سعرها.
2- يقل الطلب عليها.. وذلك لأرتفاع سعرها
3- يزداد العرض.. لان قلة الطلب انخفضت فتكون الكمية المعروضة اكثر من طلب الناس نسبيا.
4- يتناقص حجم العجز تدريجيا. لان سعرها ازداد.
5- يصل السوق الى حالة توازن مرة اخرى... ولكن بسعر جديد اعلى من سعرها القديم وكمية توازن اكبر من الكمية القديمة (فتصبح الكمية المعروضة مساوية تماما للكمية المطلوبة)
هنا يعني لو في كمية زاد الطلب عليها راح يستغلون التجار الفرصة هذي وراح يرفعون بالسعر وبكذا راح يقل الطلب لان السعر ارتفع
يعني بالعربي وبالاصح والي مو فاهم يفهم هنا في قلة الموراد بالمفهوم العام اذا راد معروض ما وليس مايحتاجه الناس هذا فيه هدر للموارد وبمعنى اصح انه لم يستغل الاستغلال الامثل
وهذا كله من الدرس الاول من تعريف علم الاقتصاد يعني حنا مو مثل الدول الاخرى مثل اليابان وماليزيا كوريا الي مواردها محدودة وتستغلها صح :)
طبعاً هذي حالة زيادة الطلب .. يزيد سعر التوازن ، وتزيد كمية التوازن ..
والعكس صحيح ..
لو انخفض الطلب .. ينقص سعر التوازن وتنقص الكمية ..
اختي هنا اذا زاد العرض تزيد الكمية المعروضه وراح ينخفض السعر
بس اذا زاد الطلب تزيد الكمية المطلوبة ويزيد السعر
واذا نخفض العرض تقل الكمية المعروضه وينخفض سعر التوازن
اما اذا انخفض الطلب تنخفض الكمية المطلوبة ويزداد السعر
بمعنى وجيز الراتب مايكفي الحاجه
اذا زاد الراتب تزيد الاسعار هذا ملخص مبادى الاقتصاد الجزئي بشكل عام
وتقبلوا تحياتي وتقديري وشكرا اختي شادن على الشرح جزاك الله خير وجعلها في ميزان حسناتك والله يوفقك ويوفقنا اجمعين يارب