|
رد: كل ما أنصحكم به لتتعلموا لغة جديدة بـ90 يوم
موضوعك يموووت
حمسني مررا كثير انو اتعلم لغة ثانية
بالنسبة ليا درست أدب انجليزي بكالوريوس في جامعة سعود و احس انو هذا أكبر غلط سويته في حياتي ضيعت عمري على هالتخصص و الله يسامح أبويا هوا اللي جلس يزن عليا أدخل قسم انجلش لو لغات و ترجمة حيكون أهون لأنو على الأقل حيكون عندي قاعدة كلمات متينة و واسعة بس ما انقبات وقتها إلا في الأدب الإنجليزي وما احسه نفعني و لا طور لي لغتي بالشكل الصحيح
و عشان كذا أجلس أدرس من جديد إدارة أعمال ، أولا طموحي اللي أبويا مو مرا كان مقتنع فيه عشان كان نفس تخصصه في الجامعه و يبغانا ننوع ( جت على حظي أختي تخصصها محاسبه و لا قال لها شي ) 
ثانيا دبل ميجر إن شاء الله يفيدني إنو ألاقي وظيفة تناسب ظروفي و مزاجي :D
ثالثا حابه لو اكمل ماستر و دكتوراه اكمل على بكالوريس معدله عالي و نفس التخصص
و الانجليزي قاعدتي فيه و في أي لغة و أي موهبه و أي هواية use it or lose it
و مع الوقت حاسه إنو بدأت انسى كثير كلمات فصايرة احاول أشوف برامج على فوكس بالانجلش بدون دبلجة لأنو مافي ترجمة و أقرا كتب بالانجلش أو اتكلم مع أي أحد بيها بشكل يومي عشان ما أنساها و اقويها
هذا بالنسبة للانجلش
بالنسبة لموضوع تعلم أي لغة ثانية حاولت أتعلم الفرنسية لأنو احس كذا حكيهم فيه غنج و مرا كيوت و حلو عاجبني كثير بس برضو اموري مو مرا ماشية لأنو عندي صعوبة في الحفظ ، في الفهم ما شاء الله بس الحفظ آه يتعبني نفسياً بس ما زلت أحاول
و حاولت أتعلم أسباني لأنو احتمال أروح لها بعد كم شهر و حابه أروح و أنا متمكنة من اللغة ، و كنت مستصعبة الموضوع بس بعد موضوعك تحمست حبتين و شكلي حروق بكرى ع الموضوع هذا و أرتب نفسي
أعرف طولت في السالفة و هيا قصيرة بس من قهري ، موضوعك ضرب على وتر حساس فيا :o
ألف ألف شكر 
|