|
رد: القواعد الاساسية لتعلم لغة جديدة
من جد معلومات صحيحة
أفتكر في أول سنة في الجامعة لما كنت أدرس الانجليزي كانت فيه معيدة تدرسنا و قالت لنا تبغون تنطلقون في الانجليزي اسمعوا بالانجليزي و اقروا بدون ما يكون كامل تركيزكم انكم ما تفهمون ، الكلمة اللي مررا متوقف فهمكم للموضوع عليها ترجموها بس مو كل كلمة ما تعرفون معناها ترجمتوها لانو مع تكرار الكلمة أكثر من مرا في أكثر من مكان راح تستوعبون معناها
قلت سالله يا ستي اقرئي ايش وراكي
و اشتريت رواية طويلة مرا و بدأت أقراها بس ايش سويت كنت أحط خط تحت الكلمات اللي ما أعرف معناها بس ما أترجمها إلا اللي متكررة عليا و متوقف فهم الموضوع عليها كنت أترجمها و بالانجليزي و خلصت الرواية على خير و ثلاثة أرباعها مخططة بس ما ترجمت إلا كم كلمة
و كملت مشوار قراءة الروايات ،، و بعد سنتين طاحت عيني على أول رواية ( و هيا الوحيدة اللي خططتها) و لما فتحتها و شفت التخطيط و كيف انو فهمتها بشكل عام بدون الديتيلز قلت خليني أقرءها مرا ثانية و أشوف كيف فهمي
جلست طول الرواية و أنا أضحك على نفسي من الكلمات اللي خططتها و في نفس الوقت فرحانه بنفسي إنو قد إيش صرت أعرف كلمات
مرا حلوة الحركة و نفعتني نصيحة التيتشر مرا مرا
و نفعني كلامك كثير كثير
موضوع راقي جدا
|