كلن منا في حياته فقد او تغير عليه وضع ونمط من انماط حياته لكن ماتوقفت الحياه ، من الطبيعي جداً كل انسان بيجيه يوم ويفقد عزيز سوا بمرض او غيره ، بالنسبه لي افقده لأنه تغير علي ارحم من اني افقده بموت وخصوصا اني جربت الأثنين ، وعشان ما ابعد كثير عن الموضوع بجاوب الأسئله الموجوده حتى اكون في حدود موضوعك ،،
مـــاذا ســـتكون ردة فعــلك اتــجاه..؟
راح اظل زي ماكنت لو كان عزيز علي وبدعي ربي يرده لي كما كان وبظل كل ماحنيت له اقول في نفسي انه هالشي خيره لي وله .
هـــل تحــاول معــرفة السبــب..؟
طبعاً لو كانت اسباب ظاهريه بشخصيتي راح احاول اغيرها عشان اكسبه ولكن اذا بقناعاتي بظل بعيده عنه وبيبقى عزيز وغالي وبيجيه يوم يرجع زي ماكان ،
أو تنســـاه ولاتــهتم بــه..؟؟
ماعمري نسيت احد مر بحياتي ابداً .
أم "تــحن عـــليه"؟
اذا احبه طبيعي بحن له وبكون موجوده وقت مايحتاجني
ومـــاذا ســتفعـــل..؟؟
ادعي له بكل صلاه انه يرجع لي .
وهــــل مررت بهـــذه الـــتجربــه؟
ايه مريت فيها فقدت شخص بموت وفقدت شخص ببعد وبالحالتين راضيه كل الرضى ولله الحمد والمنه عندي قناعه وايمان داخلي انه لكل شي بحياتي حكمه ،،
اشكرك علي اضافتني بالموضع ، اتمنى ربي مايفجعك بفراق غالي ولا بعد عزيز ، موفقه يارب ،،.