.
,
.

موقف عجيب غريب صار لي أمس بصرآحة

الموهم قبل الموقف ..,

انا جآمعتي الموقرة تبغى تجيب لي الجلطة والله أعلم ..,

يعني أوقّت جوآلي والمنبة للمحاضرآت والتزم وأكون حريصة وفي الاخير

الموقع يعلّق والمحاضرات تضيع علي ..,

انا مدري متى بيحلّون مشاكلهم التقنية ..,

تعبنآ وحن متحمّلين المشآكل حقتهم مدري الى متى .,,

.
,
.


الموهم مآعلينآ نرجع للسآلفة الغريبة العجيبة ..,

للحين شاغلة بآلي وأبغى لهآ تفسير منطقي ..,,

طلع أمس زوجي .., وانا ابغى بطاقة شحن ..

قمت أرسلت له ( رسآلة جوال ) كتبت فيهآ ( بطآقة شحن 100 )

بعدهآ بفترة جتني رسالة من زوجي تقول ( عفواً من صاحب الرقم لانه مو مسجّل عندي )

ردّيت ( كيف مو مسجل أنآ عبير )


بعدهآ اتصل علي زوجي قآل لي وشفيك ترسلين لي ( مو مسجل ومدري ايش )

قلت له انت مرسل لي ان رقمي مو عندك !

قال لي ( والله ما ارسلت لك شيء )

والغريب العجيب ان خلال مكالمته لي الرسآئل مستمرة توصلني من رقم زوجي

يوم قفلت منّه واطالع الاقي تكملة للرسائل ..

يقول ( انه مسوي تحديث للجوآل ومايعرف الاسماء .. واذا تبغين بطاقة شحن أبشري )

وش أبشري يآ أبن النآس

عقلي صار في كفي من اللخبطة والحوسة اللي صارت ..,

ماقدرت استوعب وش الخطأ بالضبط ..,

رجع زوجي من برا وريته الجوال وريته الرسايل ..,

وفتح جواله ولقا الكلام مكتوب عنده نفسه اللي منرسل لي !

حلف انه مو هو اللي كاتبة نهائيا

وش الوضع اللي فسرّته ..,

كأنه أحد مآخذ جوآله وكاتب الكلام ومرسلة !

عرفتوآ كيف ..,

بس مو هذا اللي صار ابدا

مآ أدري هل هو لخبطة في الخطوط والارقآم والا وش السآلفة يعني ..,

.
,
.