ظالم وسلم الود مايمشي عليك .. لو ان خمر الحب يقطر من شفاك
قلبي يبي قربك وعقلي مايبيك .. واحترت بين العقل والقلب وغلاك
ان طعت قلبي طحت في قبضة يديك .. وش عاد في قبضة يديك الا الهلاك
وان طعت عقلي ردني ماعاد اجيك .. وابعدت عنك وكيف بتحمل جفاك
كل الطرق جربتها وازريت فيك .. ياليت يوم الله بلاني بك هداك
اليوم انا جيت اشتكي لك واشتكيك .. قاضي وخصم وكلها تمشي معاك
تكفى تخلصني برحمة والديك .. المر في عشرتك نساني حلاك
الشاعر / عبدالله الطلحي