اختي حبه حبه خذيها واذا مسكتي المادة لاتفكرين بالثانية لابد تركيزك يكون على مادة واحدة بس

اذا كان ترتيبك للمذاكرة تمسكين مادة. وتخلصينها امسكي بالاول المادة اللي تحسين انها اقرب لنفسك وذاكريها واذا دخلتي الملتقى ابحثي عن المواضيع اللي تخص المادة اللي بين يديك

واذا كان ترتيبك مثلي كل يوم مادة عندي 6 مواد 3 منهم حفظ النظم والتقنية ومهارات البحث و3 فهم وشويه حفظ بالمحاضرات الاولى لهم وهم اساسيات المحاسبه والاحصاء وادارة ماليه

يوم مادة حفظ ويوم فهم باقي يوم ابعلمك وش تسوين فيه


على ترتيبي اليوم عندي نظم اراجع جداول المتابعه فين وصلت في هاذي المادة ؟ تابعت التمهيدية ونزلت الاولى والثانيه يعني لسه باقي علي اتابع محاضرتين طيب بعد مااتابعهم اشوف انا ايش ذاكرت وحفظت من المادة ؟ خلصت المحاضرة الاولى يعني باقي لي الثانيه وبكذا اكون ماشيه على الاقل مع نظام الجامعه


طيب الان المواد الفهم اول ثلاث محاضرات حفظ لكن باقي المحاضرات جزئية الفهم والمسائل اكثر ايش نسوي ؟

جهزي لنفسك طاولة عليها دفتر واقلام والملخص واللاب توب وجهزي عمي قوقل وكوب قهوة (( اهم شئ

المهم امسكي المحاضرة نقطة نقطة ولاتتحركين منها الا لمن تتاكدين من نفسك انك فهمتيها كويس وتمام التمام واذا في حاجة مافهمتيها ادخلي القروب الخاص بالمادة في الملتقى واسألي عن اي حاجة تستصعب عليك وماراح يقصرون البقية او ابحثي بقوقل بعد ماتنتهين من المسائل وكذا احفظي اللي محتاج حفظ وبكذا ترسخ براسك وماراح تنسينها

لاتقولين ابقى اخلص بسرعة لان اهم شي تفهمينها مو تخلصينها وتمشين وبالتطبيق تتفاجئين انك مافهمتي شي

لابد تحددين لك جزئية معينة تخلصينها محاضرة او محاضرتين باليوم على حسب استطاعتك وتقديرك لظروفك وامكانياتك


اذا انتهى اليوم وانتي ماخلصتي الجزئية او مافتحتي شي بالمادة يوم ثاني لاتفكرين فيها ولاتكملينها عديها والاسبوع اللي بعده في نفس يوم المادة اصغطي نفسك اكثر وعوضي او تعوضين باليوم اللي باقي لك اذا كنتي ماخذه 6 مواد اذا ماكنتي بتاخذينه بريك

لابد يكون عندنا يوم نعوض فيه عن باقي الاسبوع يكون مخصص لحل المناقشات او مذاكرة الباقي من الجزئيات المحددة وماانتهينا منها



هذا كل اللي عندي وان شاء الله يفيدك كلامي بشئ وعذرا على الاطالة



......