تدري وش اللي يبكيني ! ويضحكني
انـك مـحـامـي ، قـضـيّـتـنا وقـاظـيـهـا
تدري متاك تعرف قـدري وتفـقدنـي ؟
لا رخصت نفسك لشخصٍ مايـراعـيها
بكره إلا همّـلـوك النـاس تـذكـرنـي
وتقول عـزّآه .. عـيـنـي مـن يـداريـهـأ
مدام غيري على قلبك مشاركنــي
وشـهـولـه ؟ اعـلّـق الامـال وابـنـيـهـا
يكفيني انك رحلت ومنت عايفنـي
هذا عزا النّـفـس مـن كثرة بـلاويـهـا
صحيح حنا انتهينا ! بس صدقني
والله ان تبقى هـوى روحي وغاليـها
ان قلت : علمني انسى لاتعلمني
دنياي لامن نسيـتـك ويـش تـالـيـهـا
فارقتني وضحكتك عيّت تفارقني
والله يلعن ابـو الـفـرقـا وطـاريـهــأ
مقدر افكر بغيرك وانت عارفني
عشان حاجه بـ قلبي مقدر اخفـيهـأ
اخاف لاحبني غيرك وعاشرني
يشوف صورتك في عيني ويوحيها
نشدت عنك وسمعت اللي يفرحني
وارتاح قلبي من همومن يحاتيهــا
تبي تعرف وش على الفرقا مصبرني
انــك بخيـر وحياتـك مهتني فيــهــأ