خذني معك لا اصير جسمٍ بلا روح
حيث إنها تقفي إلى أقفيت روحي
أرحم خفوقٍ بين الأضلاع له نوح
عقبك يعلم ساجع الورق نوحي
ليلي يطول إن غبت من غير مصلوح
وإن جاء النهار اطول وعيا يروحي
لو ضامني وقتي ترى الوقت مسموح
وعيني تشوفك يا مداوي جروحي
باب المحبة لك مدى الدهر مفتوح
وعن حب غيرك فيه سبعين لوحي
سري بحبك دايم الدوم مفضوح
لو ما نطقت دموع عيني تبوحي
كلمات الأمير / عبدالله الفيصل
رحمه الله