امس رحنا مياه
تعرفون وش يعني مياه ف_ف ؟ يعني بحر بلغة عبود هههههههه

المهم انه رحنا البحر بعد العصر
طول الوقت واقفه على الشط ابي ادخل البحر بس ابوي موب راضي
وغير هيك كله شباب
بعد المغرب الكل فقع واختفوا من الشاطئ
والوقت صار يمشي بطييييييييء
وبما انه مافيه احد اخذت راحتي او بالاصح ودعت عقلي

تسدحنا انا وابراهيم بالبحر وكان الموج عالي
وجالسين نلعب بالموج هههههههههه هو يصقع فينا وحنا نحاول نتمسك
وامي موسوسة كل شوي بيسحبكم البحر اطلعوا بيسحبكم البحر اطلعوا

موية البحر كانت دافيه بس الهوا بارد صقعني صقعه محترمه
انا داخله بعباتي وطرحتي وغطوتي بس فصخت نعلتي "وانتوا بكرامه"
لان اخوي راحت حقته بالبحر هههههههه

كل ماطلعت توصخت عباتي بالرمل وارجع اغسلها ويحلى لي اللعب ههههههههه
قلبت دجاجه بعد ماطلعت من البحر قالت امي قومي امشي لين تجف ملابسك
بكل خطوة امشيها تمر نسمة هوا واجلس اتنافض بمكاني .. وابوي يتريق علي
يقول وصلي لحدود الكويت وارجعي وانتي جافه انا مشيت كم خطوة وحسيت اني قطعة ثلج
روجعت على خير بعد ما تكسرت رجولي ويوم جاب اخوي العشاء سألت ابوي الساعه كم قال 8

وانا على بالي الساعة 12

رجعنا البيت على اساس بنكمل الطلعة وننزل الدوار اللي عند البيت
بس ماش عظامنا مكسرة ويبي لنا ترويشه ويبي لنا ملابس < ما اخذت الا تغييره وحده

صحيح اني صفقتها نومة من 9 لين صباح اليوم بس احس لسى عظامي بتتكسر
وصحيت والإفلونزا ماخذه دورها معي

كان يوم جميل جدًا ودي يتكرر خصوصًا فصلة عبود الصباح
كنت اتمنى لو نجلس هناك للعيد بس ابوي مستلم ثاني العيد ورابع العيد وسادس العيد
بسبب احد القرود الانانيين

ودي اجرب عيد الخفجي خصوصًا ان قدام البيت دوار واللي هناك كلهم درباوية وطعوس
نفسي اشوف كيف عيدهم ..