أودعك يا بدر ظهر له زمان وغاب
أودعك يوم ابعدت نورك عن الديرة
أودعك يا بدر سرا والهوى ما طاب
عليه العيون الدمع جرح معابيره
أودعك لجل الحب مع نورك الجذاب
هويته وحبيته ولا شاق لي غيره
وداعة روحي يوم جابه لجل جلاب
جلبها الغلا والحب هذي تدابيره
ترا البعد ما يمحى غلا من رماني وصاب
رماني بسهم قاتل يالله الخيره
ألا يا عيوني والله إنك من الأسباب
تسبب بقلبي ما اهتنا بسيرة
ضربني ودم القلب ينزف من المضراب
واذا ما تبي زود على الدار والديرة
تصبرت لين الصبر بيح خفاي وذاب
عليكم من الله راعي الحق والجيره
قضى العمر منكم ما حصلي فرح واعجاب
ولا صح لي غير التعب منك يا اميرة
أمير الجمال الحسن تخضع لك الأرقاب
على كل من دش الهوى مالهم خيرة
كلمات الشاعر
عبدالله العليوي (رحمه الله)