_
ياللي غلاش يصول في القلب ويجول
وانتي ولا كنش بقلبي دريتي
رحتي وانا مذهول والقلب مذهول
ولا هوب راضي غير لا من رضيتي
الله يسامح زلتي يوم انا اقول
انش بحبي وبالمواصل وفيتي
حاولت ادور لش عذر شبه معقول
ولا لقيت اللي من اجله لقيتي
والمسأله ماتبغي افكار وحلول
لوش تعرفين الغلا كان جيتي
والهجر له محصول وأيات محصول
وطول الهجر بيعلمش وش جنتي
يسقى علي ذا لحول ولا قبل حول
يومش ليا طريتي المفارق بكيتي
وانا عن اللي صار ماني بمسئول
مادامش اللي بالمفارق بديتي
روحي وباب العذر ماهو مقفول
يمكن يذكرش الزمن لا نسيتي
واهم شي اني احبش على طول
وانتي على كيفش متى مابغيتي
.................................................. ..... سالم بن جخير 