تعال يا متلف" قلبي وشريانه
من واعد أهل الرجاوي لايعلقها
أما أحتضن روح" من الشوق ضميانه
والا أحتسبها لـوجه الله وأعتقـها
انضجت كبدي وحبك تورق اغصانه
اخــيط جروحها والــبعد يفتقها
ماتحتمل غـيبة الغالي وهجـرانه
ان كان ما ابردتها لا عـاد تحرقها
صدري بحر مركبك ومحبتك دانه
والله حفظها من ايدي الناس تلحقها
يامايس العود ويا ترفه وريانه
يا مسبه قلوب خلق الله ومرهقها
وش منحرا" (شيب عيني) من تحضانه
سواد خصلات شعرك قبل تفهقها
يوم انثنى ضامر الخصر وتليانه
بانت مفاتن قوامك من مغالقها
ويوم ابرزت كل مضموره ومليانه
عرفت سر الثياب اللي تضايقها
صورتك من وحي خلق الله سبحانه
عجزت من وصفها سبحان خالقها
غيرك لو يقول أحبك يكذب لسانه
من غيرك القلب لا يمكن يصدقها
والا أنت لو من ورا قلبك وبيبانه
أسمع واصدق بها قدام تنطقها
خلك جسد روح" من الشوق ضميانه
وما دامها في جسدها لاتفارقها
،؛مما راق لي للشاعر حمدان المري،؛