المشاركة الأصلية كتبت بواسطة manal.87

السلام عليكم ورحمه الله وبركاته

بعد ماقريت كل الردود حبيت اقول لك قصتي معهم ولكم حق الاختيار والحكم ،،

انا بعد ما كلمني المسوق عندهم اسمه ايمن قلت له شف انا ادرس بالجامعه واوقات الاختبار راح اوقف الدراسه واكمل على راحتي قال لي خذي راحتك تقدرين تجمدين حسابك بدون لاتدفعين شي والوقت اللي تبغين ترجعين ارجعي قلت تمام ابجرب شهر واشوف الوضع قال عندك فتره تجربه ،

النقطه الثانيه اخوي وصديقه بيطلعون بعثه بس بيسجلون هالثلاث شهور وممكن خلالها تجيهم الموافقه ويوقفون الدراسه نهائي قال ماعندهم مشكله متى ماحبوا ينسحبون يطلعون ..

النقطه الاخيره قال لي انا المحاسب المالي للموقع !! ،،


ارسل لي ايميل ومن حسن حظي اني احتفظ بالايميلات وفعلا دفعت المبلغ كان 100 دولار مايقارب 377 ريال الخطه الدراسيه شهر كامل شامل فصول خاصه 99 فصل و عامه كل ربع ساعه بالاضافه الي التدريبات اللي بالموقع ،


لين هناك كل شي ممتاز وتمام ،، سجلنا 3 اشخاص بالموقع وبدينا الدراسه والامور تمام كان يعيبهم انه فقط تحجز 4 فصول للدراسه بالخاص كحد اقصى ،،


جاء نص رمضان ارسلت ايميل طلبت تجميد الحساب باخر رمضان لأني بسافر للعمره وبعد العيد بكمل الشهر كلمتني وحده وقالت لي خلاص انا مشرفك الدراسيه واعتبري انه حسابك مجمد وسكرت منها يوم جاء بعد رمضان جات لي رساله انه لازم ادفع للشهر الثاني ! رديت علي ايميلهم انه اتمنى التواصل معي عشان اشوف شالسالفه ! انا مجمده الاخ ايمن قال لي تجمدي بدون لاتدفعي ؟ كلمني واحد اسمه محمد قلت له كيف كذا قال لي اصلا مافيه احد بالمحاسبه غيري انا المدير المالي وهذا مسوق ! قلت كيف يخدع العملاء ! قلت له دام هذي بدايتكم اجل اسحبني من البرنامج خلاص ما ابي اكمل قال لي خلاص ولاتزعلين انا بحسب لك الفتره اللي وقفتي فيها وبعطيك عوض عنها قلت اسفه ما ابي عوض دام مافيه مصداقيه من البدايه ليش اكمل معكم ؟ طبعا اكثر ماعصبني انه حسابي ماتجمد وانا حتى مايعرفون من اللي كلمتني ! قال لي خلاص اكنسل لك بس تدفعين ضريبه 25٪ من المبلغ الكامل حق السنه قلت كيف كذا محد قال لي قال هذا بالعقد قلت اي عقد !! قال بالموقع قلت ارسل لي هذا النص قام يخربط بالكلام ويتهرب قلت انا قبل لا اسجل قريت الشروط والخطط الدراسيه الموجوده قال لي ايه صح خطه ال 100 دولار مش مدرجه بالموقع قلت اجل ذي مش مشكلتي مشكلتكم انتم اللي بيني وبينك بعقد الايميل اللي انرسل لي لما سجلت مافيه اي نص علي ال25٪ هذي قال خلاص اجل بنشتكيك قلت شفت عندك كامل بياناتي اشتكيني واذا لك حق راح تاخذه مني ولكن انا بعد ابي ارفع شكوه علي ايمن وعندكم التسجيلات حضر لي كل المكالمات المسجله بيني وبينه وابي يتعاقب علي كذبه وبكذا انهيت المكالمه صاروا يرسلون لي بس ايميلات عروض بعدين اتصلت وحده تسال عن دراستي كيفها معي قلت انا وقفت الدراسه قالت اسفه فكرتك لسه مكمله معنا ! والان لي من شهر 7 انجليزي لين الان 10 ماعندهم غير الايميلات وطبعا انا كنسلت فيزتي المسجله عندهم عشان مايسحبون شي ،،


اي شخص بيسجل بموقع زي كذا ينتبه زين ممكن يكون فيه غش بالعروض فلاحد يتوهق ،،


طولت بس هذا اللي صار معي بالضبط واحب اضيف نقطه اول اسبوع بالفصول الخاصه كان ممتاز بعدين بدا يصير يقطع الاتصال بيني وبين المدرسه ويضيع نص الوقت بسبب الانترنت البطيء <!