|
حابه اطمنكم يا سنافر جامعتنا الحلوين(مستوى اول ) ^_^
السلام عليكم ورحمة الله وبركاته ..
انا بكتب لكم .. تجربتي في مستوى اول
طبعا مستوى اول كنت جدا متخوفه من امور كثير تخص المذاكره ..متى وكيف ؟؟ وحتى نظام البلاك والافتراضي ..وكل هالقلق اللي انتوا فيه انا قد مريت فيه وكل اللي بالجامعه مر فيه ..
بس بطمنكم .. ترى مستوى اول مواد عامه .. وجدا سهله وباذن الله تعدوها بسلام
وبمعدلات مرتفعه بعد .. كلنا كنا متخوفين قبلكم وبالنهايه نجحنا وبدرجات زينه ولله الحمد ^_^
كل ماعليكم شراء او طباعه ملازم هتان ومذاكرتها .. واي دكتور يقولكم على كتاب ما كتاب.. طنشوا
(فقط لمستوى اول ) بعدين يمكن تحتاجوا كتب .,, ماعلينا
المهم الاستعداد لكل المواد ومذكرتها قبل الاختبارات ..يعني كل ماده ملزمتها ماتاخذ منكم 3 ايام كحد اقصى .. واتوقع اللي بيتبع هالطريقه بيجيب امتياز باذن الله
وطبعا لاتستهينوا ابدا بدرجات الاعمال ( تحميل او مشاهده المحاضرات والواجبات والمناقشات وتحميل المحتوى ) كلها 30 درجه يعني فزعه قويه لكم .. لان درجة النجاح من 60 ... يعني نص درجه النجاح تضمنونها باذن الله اذا انجزتوا الاعمال الفصليه لكل ماده .. عشان كذا انصح بالتحميل والحل اول باول لانها اذا تراكمت صارت مزعجه جدا وتعب عليكم ..
وبس .. يارب اكون افدتكم بتجربتي .. دعواتكم >>لي بان الله يحقق امنياتي 
التعديل الأخير تم بواسطة ana ~♪ ; 2013- 10- 16 الساعة 04:15 AM
|