قبل عامين وحنا بانتظار
غيرنا بجنة وحنا وسط نار
لا تهنينا في ليل ولا فرحنا في نهار
ودنا يسرع زمنا وننتهي بالشهادة,,
****
انتهينا من سنة أولى بخير
من كثر فرحتنا نتمنى نطير
ولو طلع ترتيبنا قبل الأخير
المهم انا نطلع بدون مادة,,
****
صف ثاني ثانوي هو مطلبي
نترك العلمي وندخل أدبي
كلنا صرنا نحب العربي
لو سهرنا الليل واتعبنا سواده,,
****
خلص العام ونجحنا بامتياز
ماحد فاشل,, جميع الفصل فاز
حكمكم عادل ولا فيه انحياز
مو غريبة يا الإدارة,, هذي عادة,,
****
صرت في ثالث طموحاتي كثيرة
لو همومي كثار إحساسي أميرة
ولا أفكر غير بالنسبة الكبيرة
لو نسيت النوم مع لذة رقاده,,
****
وهذا احنا اليوم جينا نحتفل
بالتخرج والحزن قرب يفل
والفرح بعيوننا مثل الطفل
يا عسى تدوم فينا السعادة,,
****
أبهني نفسي وباقي البنات
وأشكر الي ساعدونا بالدرجات
من مديرة أو بعد من مدرسات
وكل من قدم لنا أية إفادة,,