2013- 10- 21
|
 |
متميز في ملتقى الفنون الأدبية
|
|
|
|
لحظة لقاها
شفت زولٍ عرض لي في مضيق الطريق
ما بعد شفـت مثلـه بالبها والجمـال
قبل اشوفه وانا من ملـك مثلـه عتيـق
وعقب شوقه ملكنـي بالغـوى والـدلال
يذبـح اللـي يشوفـه بالقـوام الرشيـق
يذبح أهل المـوده ذبـح جنـدالنـزال
من سهوم اللواحظ صار جرحي عميـق
وسحر هاروت فوق الرمش جاله ظـلال
ورد خـذه تلامـس بالحرير الرقـيـق
وبين الاثنين صـارت للنعومة جـدال
وفي بحور المحاسن كل جسمـه غريـق
يخلف اللي يوصف بين عـدلوميـال
يوم شفـت العواتـق والنحـر والدليـق
والخواصـر وردف للمسابيـل شــال
قلت ليتك على اللـي فالضمايـر تويـق
وتستبيـن المحبـه ياصعيـب المنـال
قال ما احب قلـب فيـه جـرح عتيـق
ان تجـدد تذكـر مـا ضيـات الليـال
يوم ننصـب محابيـل الهـوى للطليـق
لا تشربك بحبلي وانـت بيـدك حبـال
قلت يا طيـف هيفـا رد ليتـي ماافيـق
حب النوم عيني شـوف هـاك الخيـال
|