عقـب الليـال الطـوال الضنكـه الـكَـدرَه..
...........غمـامـة الـهـمّ ذابــت غــمّ وانـزاحــت
وليـل الشعـر تــوّ نــوَّر واكتـمـل بــدره..
...........كواكـبـه فـــي سـمـاهـا تـــوّ مـالاحــت
والعاشـق استَـرّ بالـه وانفتـق صــدره..
...........للشوق .. والغربله من جوشنه طاحت
خفّـاقـه ارتــدّ نـبـضـه وارتـفــع قـــدره..
............وعروق قلبه روت بالعشـق وارتاحـت
تمـكّـنـي يالـعـيـون الـنِـعَّـس الـخــدره..
............من كلّ احاسيس عـرقٍ بالغـلا ساحـت
جـتـك الشـرايـيـن منهـبـلـه ومـنـحـدره..
............وفيك استباحت لكون القلب واجتاحـت
أنـتـي بدنـيـاي صـرتـي نـــدرة الـنــدره..
............وعـنّـك الأحاسـيـس للـعـذّال مـابـاحـت
قصـرك بصـدري رفيِـع وعالـيٍ جــدره..
............علـى محيطـه شعـوري للغـلا .. ناحـت
حديثك الشيّق!! اطعم من عَسل سـدره..
...........واسلوبك الراقي! الورقى معـه ناحـت
كذا الـذوات .. إكسبـوا للقَـدر والقـدره..
...........معهم وتبقى لهـم فـي الوقـت ماراحـت
أنــا بـوجـهِـك خـفـوقـي سـايــرِه وإدرِه..
...........علـى كفوفـك عـروقـه بالـغـلا طـاحـت