الحين وراكم قلبتو ع بعض ؟
انا من المعارضات لقياده المراه للسياره ، ومن اشد المعارضات للفكره بحد ذاتها ولا اتقبلها والسبب مجتمعنا فقط
ولكن
اذا كان مافي تحرك من الدوله بتوفير البديل راح يطالب الجميع بالقياده
يعني الهند وهي الهند مسوين قطار تنقل داخلي للحريم
ابي افهم دوله بحجم السعوديه عاجزه انها تسوي مترو ؟ قطار داخلي ؟ باصات نقل نسائيه بآجور وتكلفه قليله ؟ راضين بالاخيره ،
الحرمه في الوقت الحالي تتمرمط بالبحث عن سواقين يودون عيالها المدارس يودون بناتها للجماعات ولدواماتهم تلبيه احتياجاتها في الزيارات (بغض النظر عن وجود الزوج او انشغاله ) والرجل الان اصبح اتكالي
مو كل الاسر تقدر توفر سواويق
الحل البديل : تووووووفير مواصلات نقل للنساء ايا كان نوعها
الشي الثاني : ع كثر النقاشات عن قياده المرآه ماشفنا نقاش يتكلم عن الايتام وحقوقهم المسنين وحقوقهم المطلقات وحقوقهم ،،، يعني كل اللي تكلمو فيه قياده ؟ وكآنه هو الشي الوحيد اللي ناقصهم
طيب نبي نوادي رياضيه نسائيه
نبي تدخلون فصول الرياضه للطالبات اللي مازال البعض شفاهم الله يعتبرونه من المحرمات
في حاجات كثيره نحتاج لها كنساء اكثر من حاجتنا للسواقه ،
بالاخير : السواقه مالها دخل بعفه وشرف المرآه ، العفيفه تبقى عفيفه لو جلست مابين ملايين العاهرات
وفعلا زي ماقال الاخ او الاخت ، في جميع البدان مسلمات ويسوقون ، الامر فقط متوقف ع عقليه الناس وعدم تقبلهم للموضوع ، وفتره وكلش يمر سلام سلام
اعتقد تذكرو مسآله الدشات والريسيفرات والجوالات والمنع والحظر ،،، والحين وين كل هذا ؟
واللي يبي يسوق يسوق واللي مايبي مايشوف شر
ايه صحيح ، ولا تتكلم ع المرأه اللي تسوق بآنها فاسده ، بل قل عنها خرجت لتلبيه احتياجاتها
وقتها انت وغيرك واللي يسمعك ، تروح هالفكره السقيمه عن راسه
وتوقفو عن قذف الناس
ملاحظه : ابديت رآيي فقط وناقشت ، فان عجبك كان بها وان كان لا فآرمي بها بعرض الحائط