٢٦ اكتوبر ٢٠١٣


يوم كبير للسعوديه فقط في هذه الايام سيتحدثون عنك مابين معارض ومؤيد لما يريدون ان يحدث فيه


عزيزتي الحرمه في مثل هذا اليوم ام بي سي ستفتتح قناة بوليوود الجديدة ورى ماتجلسيز وتنتظرينهل وتتابعين لك كم فيلم هندي الذي يحقق المستحيلا وكل الاحلام يمكن تشوفين لك فيلم يعبر عنك



عزيزتي المرأة السعوديه ترى حقوقك ماوقفت على قيادزك للسيارة يعني تظنين لو سمحو لك الشباب بيتركونك في حالك او اصلاً بتقدريت تطلعين على كيفك مثل ماتظنين الولد وهو ولد محاسب على طلعاته ولاتقولين مو صح الا صح لكن هو اللي يطنش التهزيئات


ماسلمتي من المجتمع وكلامهم وانتي ماتسوقين كيف اجل لو تسوقين وش بيسوون لك


على فكرة ياعزيزتي المرأة في حاجات وحقوق لك المطالبه فيها أهم بكثييييييير من قيادتك للسيارة ترى حقوقك ماوقفت على هاذي


تعالي معي نعدد الحقوق


اول شي وانتي طالبه مدرسه ماعندك مدارس مثل الناس وخدمات سيئة ونقص معلمات والضغط عليهم بسبب النقص منقلب عليك كل الصغط اللي فيهم صابينه فيكم وتدريس مو ذاك الزود طبعا مااتكلم عن كل المدارس لكن اقول في كذا


ثانياً بعد ماتخرجتي من الثانويه وجبتي تراكمي بنسبه عاليه تدخلك افضل الاقسام تجي الواسطه وتغلب عليك وياخذون محلك وبرضو نقص عدد الكراسي المتاحه للجامعه في الا نتظام والتدريس فل الفل ماشاء الله


ثالثاً تخرجتي ومافي لك وظيفة مو لانه مافي وظايف لان الاجانب ماخذين شغله انتي اولى فيها يعني حقك وهذا مو بس عند البنات حتى الاولاد


رابعاً بنات محرومين من الدراسه بسبب الاهل مايبونهم يدرسون جامعه لاتقولين الموضوع راجع للاهل المفروض يكون في امر اجباري للاهل من الدوله يتركون البنت تختار تكمل او ماتكمل



خامساً حقوقك ان كنت يتيمه او مطلقه او ارمله او او او ...


وتطول قائمة الحقوق التي لم تحضرني والتي سلبت فيها حقوق المرأة هذا ان كتتي تريدين فعلاً المطالبه بحقوقك




كل واحدة تبقى تسوق وتمشي مع حمله اكتوبر تفكر كويس



انا لااعارض تعليم المرأة القيادة لكن اعارض قيادتها للسيارة


في ناس فعلاً محتاجه تكون البنت هي المعيله الوحيده لاهلها تضطر البنت على اخر الليل تنقل واحد من اهلها مريض وهاذي حالات سمعنا فيها كثير لان مافي وقت تنادي احد ويجيها وكذا


من قبل عانينا وتمرمطنا مع السيارات لان بقينا تقريباً ٣ او ٤ سنين بدون سيارة كل مشاويرنا سيارات خاصه سواء للحاج
او تمشيه لكن هذا الشي ابدن ماخلاني افكر بالسواقه




واذا وافقو على قيادتكم اتوقع مثل ماقالت امي ماراح يسوقون بيجيبون لهم سواقات هذا اذا ماقلبو الخادمات سواقات وتصير بتاع كلو





.....