بالنسبه لخروج المرأه مع السايق لا يليق بالمرأه المسلمه وليس هناك امر ضروري لتخرج اصلاً من بيتها بدون محرم ... الا اذا كان هناك خلل اسري وتربوي فهذا شأنهم...
^^^^^
سلامات
البلد امتلت من هالعماله والسوواويق
والاغلبيه عندهم سوواويق وان كان ماعندهم يروحون بتكاسي وليموزينات
اوك واللي ماحولها محرم يوديها ويجيبها ؟ تقعد بالبيت ولا تطلع ؟
غرررريب امركم
احيان من كلامكم احس اني في عالم ثاني ،،
تصفون لي الرجل بآنه مثالي ؟ وووينه هذا ؟؟ قله من الرجال
الاغلبيه اصبحو اتكاليين
وتصفون لي ان المرآه لازمه لبيتها ، يعني محرم عليها تطلع وتروح وتجي ؟
بالبدايه ماختلفتو ع موضوع انها بتطلع مع سواق والحين صار خروجها مع سائق لايليق بآمرآه مسلمه ؟
يامجتمع بديتو تشكون بكل شخص
احسنو نواياكم ،، ربو عيالكم التربيه الزينه
احد المقاطع لفتت انتباهي ، اللي يقول والله لو نشوف بنت تسوق بنغتصبها !!
هذا كلام ؟ هذي تربيه ؟؟
ربي ابنك وابنتك ع الاخلاق الفاضله ومستحيل تشوف هالاشياء في مجتمعك ،
علم ابنك مثل مايخاف ع اخته يخاف ع بنات الناس
تحرش الشباب بالبنات في كل مكان ، وارجع اقول حتى لو كانت البنت هي السبب وكاشفه ومتبرجه
الذنب واللوم الاكبر ع الشباب اللي يشوف الخطآ ويلحقه و يروح له
يعني وش يفرق لو طلعت الحرمه مشي ع رجلها واعتدو عليها ؟
(هنا الغلط في تربيه الولد)
المشكله تكمن عندنا بالمجتمع بالتعليم بالتربيه بالمفاهيم الاسلاميه الصحيحه
مجتمع بدآ يحرم ويحلل ع كيفه ، ع حسب رغباته وشهواته
صحيح ضد مبدأ السواقه للنساء
بس بعض الردود والكلام تضايق
النظره السلبيه للمطلقات ، النظره السلبيه للعاملات ، النظره السلبيه للبائعات ، النظره السلبيه للسائقات ،،،
اتقو الله