ملتقى طلاب وطالبات جامعة الملك فيصل,جامعة الدمام - عرض مشاركة واحدة

Ahmad240 · 2013- 10- 26

اقتباس:

المشاركة الأصلية كتبت بواسطة lo0lla

هلا والله بالنسبه كيف تذاكرين بامكانك تذاكرين ثلاث محاضرات في اليوم ممكن ثنتين ورا بعض والثالثه بوقت ثاني او كلهم سوا .. لو بتسمعينها بتاخذ وقت بس انتي سرعي الشريط في الاماكن الي ...

وعيدي الاماكن اللي

....
ولو من الملزمه بتذاكرين ماراح تاخذ وقت ممكن ساعه باليوم
وراح تختمين 14 محاضره في اربع خمس ايام و بالكثير سته لو بتمغطين ...
اما بالنسبه للشرح الله يخلي اخوي احمد بيوضح لك وزياده

معك المايك احمد

شكرا اختي العزيزة لولا ما قصرت في الاجابة

اذا عندك مادتين زيادة يعني عندك 8 مواد وانا كمان 8 مواد يعني الضغط نفس الشي تقريبا وهذا العدد كبير لطلاب جامعيين وصدقيني لازم مذاكرة مستمرةاول بأول وخاصة معدلك فوق وتبي ترفعيه. انا بعطيك طريقتي في المذاكرة وان شاء الله تنفع

1- كل يوم اخصص لي مادتين اذاكرهم يعني مجموع المحاضرات (هذا الاسبوع) 4 محاضرات لان نزلوا ثنتين.
2- المواد الصعبة لي استخدم خارطة ذهنية للتعارف والنقاط الفرعية المهمة.
3- ما اكتفي بالخارطة الذهنية، الخص الدرس بطريقتي الخاصة حسب فهمي.
4- الاحتفاظ بهم في الكومبيوتر و في اوراق ايضا.

طبعا فيه اكثر من طريقة لكن في النهاية لازم جهد وادري الظروف لبعض الاخوات ما تساعد بس صدقيني يا اختي اذا سويت الاشياء اللي لازم اتسويها الحين بتقدري تسوي الاشياء اللي تبي تسويها بعدين. فقط حطي هدا الشي في بالك وبالتوفيق لكي