باالله شفيكم مـاخذين وضعيـة المزهرية
السلام عليكم ورحمة الله وبركـاتة
طمنونـا عنكم :)
خبرونـا عن آخر مستجداتكم !؟ شذاكرتوا مـاذاكرتوا !؟ شمخططين عليه !؟ متى نـاوين تبطلون وضعيـة المزهرية وتتلحلحون وتبدون مذاكـرة وووو ، اللي أخذ له لفه على المواد يعلمنـا شاالأصعب شاالأسهل ....الخ

أنـا وحده مـاسكـه معاي وضعيـة المزهرية والله بس أفتح البلاك بورد وأفرفر فيـه شوي إلا فجأة أشوف نفسي في اليوتيوب أو فجأة كـذا ماأشوف نفسي إلا أرتب دولابي أو أنبش في أغراضي القديمة < مـاكو واضحـه أنهـا فوبيـا الدراسة والأختبارات

خطتي //
0/ اليوم بسوي لي جدول العد التنازلي ومن بكـرا ببتدي عـاد هاالمره صج صج
1/ النوم المبكر مـاتجي 12 إلا أنـا باالسرير ولـو 11 أو 10 أحسن بس مـاظنتي :( وطبعاً ماأنام إلا أنـا مجهزه آيش بذاكر بكـره
2/ أجلس 9 الصباح أحمي شوي أحل واجبات وشوي مناقشات بعدين أسمع المحاضرات اللي محددتهم لي وبينهم بريكـات تفرفر في البيت < من ضمن عادتي السيئة في الأختبارات بس ياالله زين يقولون المشي يحرك الدورة الدموية وزين للمخ وذا
3/ من بعد الـ 12 ظهراً أبتدي أذاكر اللي تابعته ودونتـه .
4/ من بعد 6 المغرب أتفكـه مع الأهل والأقرباء ومن تجي 11 أسحب عليهم وهكـذا
مع الإلتزام يومياً باالوجبات الثلاث الرئيسية مع السناكس لانريد نحـافه موجعة ولاسمنـة مفرطـة
والسلام عليكم
ماعليكم من كمية الصياح في الموضوع بس من باب تلطيف الجو
ياالله المايك لكم