|
رد: ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,
الطيب مابه شك من راعي الطيب
ولا الـردي تلقـا وراه الفشيلـه
اقولها من عقب صوله وتجريـب
وكلٍ علـى ماقيـل عقلـه دليلـه
ترا الرجال اجناس لاشـك لاريـب
نفسٍ على العـزه ونفـسٍ ذليلـه
كـم واحـدٍ لالـوحٍ المشاعيـب
اقفا من الروعـه يلـوح شليلـه
وكم واحدٍ يبطش بحـد المخاليـب
ماهاب من لمع السيوف الصقيلـه
وكم واحدٍ يدعا بـراع المواجيـب
وكم واحدٍ قالو عسـا الله يزيلـه
وكم واحدٍ من فطنته يدعـا ذيـب
وكم واحدٍ من قـل عرفـه هبيلـه
هذا كـلام الجـد مافيـه تكذيـب
وكلٍ على ماقيـل يلقـا حصيلـه
مادام توي مابـدا فينـي الشيـب
والله لحاول لين اطـول الطويلـه
الحظ يخطي بعض الاحيان ويصيب
مسكين يامنهـو رضـا بالقليلـه
العيب لامنه رضا الشخص بالعيب
والعيـب لامنـه رضـا بالقليلـه
اكفخ بجنحـان السعـد للمراقيـب
والـي تطوفـه لاتعـود تخيـلـه
|