منقوووول ..
بسم الله الرحمن الرحيم
أول كم تعطوني هههه 
خدوا البشارة .. بعد عناء إنتظار وإتصالات للجامعة ..
وكل واحد قال لي ماادري وش سالفة العشرة ريال
وصلت لرقم أحد الموظفين المسؤولين عن الرسوم ..
وسألته عن سالفة العشرة ريال ههههه والله مضحكتني هالعشرة ومسببة لي أزمة
يعني بتكون ذكرة العشرة ريال مثل ذكرت الخمسة بالمئة المكرمة ..
نخش ع الموضوع
أخبرني الموظف أنه ماعليكِ من العشرة مافي لا عشرة ولا ريال ولا خرابيط
والأعلان الموجود كان موجه للطلاب القدامى اللي ماسددوا الرسوم
..> طبعا شيء طبيعي انهم راح ينحرمون من دخول الإمتحان ..
حتى لاحظوا التواريخ قديمة فعلا .. بس من الخضة ماحد إنتبه ليها وأنا وضحتها في
موضوعي السابق .. وقلت ترى يا جماعة التواريخ قديمة يعني اليوم ماهو أخر يوم سداد
اخر يوم فات من اسبوعين ..
قلت له طيب إذا ماعليّ من الأعلان .. أنا دخلت على وضعي المالي الشخصي
يقول لي
الوضع المالى للطالب/للطالبة: لم يتم تسديد الرسوم بالكامل.
الرجاء تسديد باقى الرسوم وهو 10 ريال سعودى.
قال لي ماعليك .. أنتي دفعتي 2465 ريال .. معناها خلاص
قلت له البعض يقول أنه في غلط .. وأحنا المفترض نحسب عدد الساعات
ومثل ماقلت لكم .. الساعة = 165 ريال .. وأحنا ندرس 15 ساعة
165 * 15 = 2475 ريال ومش 2465 .. فعلا ناقصة عشرة
قالي : المفروض كذا .. بس صارت لخبطة وخلاص ماراح نحاسبكم عليها
وأكرر ... الأعلان موجه للقدامى اللي ماسددو الرسوم ..
والسمستر الجاي .. كل واحد هو اللي بنزل له مواد .. ويجلس يحسب الساعات
مثلا لو نزلت مواد ومجموع الساعات فيها 14 بيختلف المبلغ وهكذا
عرفتوا الكلام .. مابعيد> تخيلت نفسي دكتور الرياضيات هههههه
يعني الخلاصة تطمنوا يا ادارة الأعمال الجدد .. وكل الطلاب والطالبات الجدد
....
إنتهينا ........... لا في بشارة ثانية
ها كم صار لي عندكم الحين 
.. أحسبوا
قال :
السمستر القادم ان شاء الله راح يكون فيه نظام عبر الصراف
بلا بريد ووصل و خرابيط
كل واحد يروح الصراف ويدخل رقمه الأكاديمي ويسدد المبلغ والسلام
في احلى من كذا كلام يا طلاب وطالبات
قلت كنا نفكر في هالطريقة .. ودنا والله نطور شوية ومانوجع راسنا بوصل وبريد
وشكرته .. قال واجبنا ..> بالتفصيل الممل أدري أن في ناس تحب التفاصيل الصغيرة هههه
الحين أقدر أرتاح بدون التفكير في عشرة ريال هههه
وأقوم أخلص أموري الثانية ..
على فكرة .. تمرير معلومة ..
تم تحديد مقر الإمتحان وكل واحد يدخل يشوف مقره ..
لا تنسونا من دعواتكم .. لأني لسه في بداية المقررات
..
.،