2013- 10- 31
|
 |
أكـاديـمـي ألـمـاسـي
|
|
|
|
شبهة الليل
( شبهة الليل )
كيف اجاوب يالمسافات وانا لو سألت
تشتعل بي جمرة الضيق ويموت السماح
كل ما اخلص للدروب الطويلة ما وصلت
كنها تاكل وتشرب معي صبر وكفاح
السراب يزيد شره ويلمع فالزفلت
لين تكبر هيبة الياس في عين النجاح
كيف اجاوب والله اني من الضيق احتملت
ما يخلي دمعة العين تبرق من مزاح
تختبرني شبهة الليل وارضى لو زعلت
والرضا من قولة ان الصباحات الرباح
ما ترقبت السهر لين قرب واعتدلت
ليه يبتز العواطف ويطعن فالصلاح
السهر زنزانة الروح وانا لو غفلت
صبت الغربة عيوني ونادمت الرياح
كم ربحت من المعارك مع الدنيا ونلت
وكم فقدت المعركة والذخيرة والسلاح
حاصرتني رهبة الليل والحمى وقلت
يالله انك لا تعرض جنوبي للرماح
واشغلتني همهمات المواجع وانشغلت
وانجلت كل المواجع بـ حي على الفلاح
عبدالله سعيد
|