هذي المادة بعد الاختبار الكل سب الدكتور وصارت انواع المسخره ..لقصة .. هيا بنا نروي القصة
الترم اللي قبل السابق .. الدكتور جاب لهم نفس اسئله العام اللي قبل ترمهم.. فكذا كانت الناس مبسوطه منه
ولكن الدكتور قال للطلاب ذاكروا من ملزمتي مدري من كتاب محدد( الصراحه مدري وش كانت ) بس اكيد بتدري .. وصراحه كانت صفحاتها كثيره بشكل مبالغ ..والطلاب ما اعجبهم الكلام وقال لا تعمتدون الا ملزمتي وصار يهدد باصبعه حسب شهود العيان ( مبالغه)
وكانت فيه ملزمات لبعض الشباب .. قديمه اكثر من وحده .. والعام فيه فتيات باشراف هتان .. قاموا بتلخيص ملزمه الدكتور الجديدة .. الله يوفقهم ما اتذكرهم الصدق .. بس كانت الصفحات كثيره وحشو كثير ولا اعجبني لان صفحاتها كثيره فقط المشكله مو فيهم .. المشكله بملزمه الدكتور .. ( طبعا القصه ارويها من تجربتي ) .. فقررت انا حمااده .. اني ما اذكر اي ملزمه .. وادخل الاختبار على اساس ان الاسئله بتكون نفس الماضي وكنت متفائل جدا .. وكانوا الشباب متخوفين . . وذاكرت ( ملخص مصغر جدول فيه تعاريف واسعافات والصراحه مدري لمين ( بس تسألهم بيعلمونك ) قديم جدا عباره عن 3 او 4 صفحات وترا اللي بوسطه يختلف عن اللي بملزمه الدكتور شوي بس يعطيك مفهوم عقلي للي يحصل في هذي الماده ) .. وطبعا راجعت اسئله الاختبار واخذت الخيارات ( الخاطئه ) وسويت فيها بحث عن طريق ملزمه من الملزمات واقرا اذا لقيت الخيار موجود اخذت نبذه عن المعلومه .. مالقيتها يوفر مساحه في الذاكره لشيء اخر
ويوم دخلنا الاختبار .. الاسئله مختلفه جدا بس صراحه مو صعبه .. وايضا اللي ذاكر من الملزمه يشتكي فيه اسئله برا الملزمه حسب كلامهم . . المهم الكل سب الدكتور .. واخذت انا درجه b < مع الحظ وطبعا الثقافه الصحيه اللي املكها بسبب برنامج سلامتك في السابق ) ههههههههه
والاختبار بالنسبه لي ( يعارضني الكثير ) اشوفه سهل لانه يجيك سؤال ويكون من اربع خيارات .. بالعقل وانت تقرا السؤال ممكن في الغالب تقدر تلغي خيارين لان الدكتور احيانا يحط شطحات في الخيارات واضحه .. ويبقى لك خيارين تتحير فيها .. لان الماده صحه عامه ..
كثرت كلام بس بذكر نقطة مهمة .. ان الجامعه العام غيرت النظام من 70 سؤال الى 50 سؤال .. فكذا الدكاتره غصب يغيرون الاسئله .. وبعضهم نسخ نصف الاسئله من الاعوام الماضية وبعضهم نسخها كامله ..
فاتوقع والله العالم ان الدكتور بيجيب نفس الاسئله تبع العام الماضي .. لاني لو انا دكتور في محله .. كل ترم بصلح 50 سؤال !! < بتعب هههههههه والله اتعب ..
بس ممكن يكون مصلح اسئله العام الماضي نسختين < ويعطيهم النسخه الثانيه ههههههه
^ من قال له حلل مدري
انا مدري وش كتبت فوق بس اعرف ان نصف كلامي مو مفهوم هههههه .. بس بالتوفيق