قالوا حبيبك يسمع الشعر قلت إيه
يـقـــــراه بـعيـوني قـبـل تـسمـعـونه
،،،،،،
لـولاه حـتى طـاري الشـعــر مابـيــه
مـيـر اكـتبـه من شـان خـاطر عـيونه
،،،،،،
هو روح شعري وامنياته وماضيه
جذع الشجر وش كان لولا اغصونه
،،،،،،
اكـتـب لـغيـره والقصايد تجي فيه
كــن القصـايـد حـالفـه مـاتـخونـه
،،،،،،
هـذاك لامـنـه زعـل قـمت اهـاديه
حــتى وهـو مـخـطي تعـذرت دونه
،،،،،،
يمـكـن لو انـه يلمــس الجـرح بيديه
يســتغـرب ان اللــي لمسهـا طعونه
،،،،،،
ابطـى وهــو غـايب وزلـت حـراويه
وأنـا مــن الـعـام اتـحــرى مــزونه
،،،،،،
هــو مـادرى انـي في غيابه محاتيه
لــيتــه نشّــد عن حــالي اللـي يجونه
،،،،،،
وقــلبـي اللـي تــوه افــلـت عـــراويـه
كيف انسرق وضلوع صدري حصونه
،،،،،،
عـــجــزت ارده كــــن مـانــي بـراعـيه
يـــوم انـتـثر شــــوقه وهـاضت اشجونـه
،،،،،،
يـبسـن عــــروقـه لـكــن اللـي يعـــزيــه
ان اكــــثر الــعـالـــم تـــردد لــحــــونــه
،،،،،،
خــافـــوا مـــن الله لاتـجـيـبــون طـاريـــه
لاصــرت انــا مــوجــــود لا تــذكـرونــه
،،،،،،
لــــو كــل غــالــي جـابــه الله لـغـالـيــــــه
مــا شــفــت لك مــخـلــوق تـبـكي عـيونــه