دخــلـت لــمـرسمي ولهان
ابـارسـم اطـــيــب الخــلان
على لوحه وفرش والوان
وخطواتي تسابقني
بديـت بـرسـمـه الاجـفــان
وعـيـن تـسحــر الـعشقـان
وحاجب مــن سـواده زان
ونظراته تلاحقني
شــعـره كاســي الامــتـان
وطــايــر بـالهـواء فـلتان
ويـــلمس خـده الملــيـان
والوانه تجنني
رسمـت المبـسم الفـرحان
وذكرني بشـفـق شرقــان
ينيــر الــعــمر والاكــوان
فديتك يا معلقني
وصــارت فــرشه الـفـنان
ترسـم كــل هــوى فـتــان
وتفضـح خاطري الغرقان
وبخفه تعاندني
ورحت ارسم كمال انسان
سحرنـي شكـله الحـليـان
وكان بلـمستـه سلطــان
وبحبه تملكني
واخــر رسـمة الــفـنـان
كتبت الاســم والـعنوان
حكم من سابق الازمان
اعشقها وتعشقني
جمالك لو عشقته ادمان
وقلبك للهوى قــد خــان
واخلاقك خــبـرها كـــان
جمالك مابينفعني
وشفت اللوحــه والــوان
ورسمت عاشقي الولهان
ابمسحهــا بقلـب(ن) لان
طلبتك لا تعذبني
ترى حبــك بقــلـبي هــان
وشكلك بالخــيــانه شـــان
وقلبك مقصــده قـــد بـان
وكلك ماتناسبني
بروح لعــالـــم النـســيـان
واعيش وخاطري سـليان
واغني ياقـمــر عــشقــان
دخيلك لا تذكرني
كتبت بقلم ::ذوق عابر