السلام عليكم ورحمة الله وبركاته,
أخواني وأخواتي, كل عام وانتم بخير وعافية على السنة الهجرية.
حاب اتكلم عن موضوع مهم عندنا احنا الطلاب سواءً كنا اتنساب "تعليم عن بعد" أو انتظام. وهي الانتكالية على الغير في المساعدة.
اقروا سالفتي, بالبداية:
معي زميل عمل تخصصه ادارة اعمال انتساب مطور في الفصل الدراسي الأول وانا في المتسوى الثالث تخصص لغة انجليزية. في البداية كنت اخدمه كثير وانا اساعده في كل صغيرة وكبيرة, ولاحظت الرجل الله يستر عليه في البداية ما يعرف لنظام الجامعة وعلمته عليه وقلت له يدخله اكثر من مرة علشان يتعود عليه.
ما دخله وللحين ما يعرف يستخدمه.
ما اهتميت اصلاً, لأن الموضوع ما يخصني في البداية. قبل اسبوع قال ابيك تقعد معاي ونحل الواجبات مع بعض "كيف احل شي مو تخصصي ما ادري" قلت له اوك بساعدك بس ما اعرف شي عن ادارة الأعمال قال طيب. ما فضى نفسه وانا ما اكترثت لأن اللي اساعده لازم يساعد نفسه بالبداية.
اليوم, الموقف اللي صار فجعني كثير مرة... جه لي يقول "احمد ليش ما تحل انت عني الاسئلة بدام انت ما عندك شي, انا موب فاضي اصلاً." .... انا فشلت شوي من الموقف اللي صاير قدامي وقلت له "ما اعرف لتخصصك, انا لغة انجليزية, مو ادارة أعمال." وقال اوك.
احنا كطلاب انتساب لازم انكون مؤهلين بعد التخرج وهذا يحتاج جهد, وقت, "مال للرسوم" لكي لا احد يعيبنا في شهادتنا ويقول لنا "اخذتوها وانت متبطح على سريرك." نعم يا خواتي واخواني, هذه العقليات للآن موجودة ولازم نثبت العكس لهم ان طلاب الانتساب هم فعلاً مؤهلون لكي يصبحوا مدرسين و في وظائف اخرى.
ولدى ترك المهملين والإنتكالين يضربوا على حظهم يوم الاختبارات هو احسن شي نقدر انسويه ويمكن منها البعض منهم يستيقظ من اللي هو او هي فيه, ونجتهد واتكون درجاتنا بتعبنا والامتياز كله بسببنا بعد الله.